ബംഗ്ലാദേശിലും കൊല്‍ക്കത്തയിലും ഭൂചലനം

 

ബംഗ്ലാദേശിലും കൊല്‍ക്കത്തയിലും നേരിയ ഭൂചലനം അനുഭവപ്പെട്ടു. അഫ്ഗാനിസ്ഥാനില്‍ വന്‍ ഭൂചലനമുണ്ടായതിന് രണ്ടാഴ്ചയ്ക്ക് ശേഷമാണ് അഫ്ഗാനിസ്ഥാനിലും കൊല്‍ക്കത്തിയിലും ഭൂചലനം അനുഭവപ്പെട്ടത്. വെള്ളിയാഴ്ച രാവിലെ പത്ത് മണിയോടെയാണ് ബംഗ്ലാദേശിലെ ഘോരാഷാല്‍ പ്രദേശത്തിന് സമീപമാണ് 5.2 തീവ്രതയുള്ള ഭൂചലനമുണ്ടായത്. നിമിഷങ്ങള്‍ക്ക് ശേഷം കൊല്‍ക്കത്തയിലും ഭൂചലനം അനുഭവപ്പെടുകയായിരുന്നു. 

ഭൂചലനത്തെ തുടര്‍ന്ന് നാശനഷ്ടങ്ങളൊന്നും ഇതുവരെ റിപ്പോര്‍ട്ട് ചെയ്തിട്ടില്ല. യുഎസ് ജിയോളജിക്കല്‍ സര്‍വേയുടെ കണക്കനുസരിച്ച്, ബംഗ്ലാദേശിലെ നര്‍സിംഗ്ഡിയില്‍ നിന്ന് 14 കിലോമീറ്റര്‍ അകലയാണ് ഭൂചലനത്തിന്റെ പ്രഭവകേന്ദ്രം.