എപ്സ്റ്റീന് ഫയലുകള് പുറത്തുവിടാനുള്ള ബില്ലില് ഒപ്പുവെച്ച് ഡൊണാള്ഡ് ട്രംപ്
By: 600002 On: Nov 20, 2025, 8:54 AM
കുപ്രസിദ്ധ ലൈംഗിക കുറ്റവാളി ജെഫ്രി എപ്സ്റ്റീനുമായി ബന്ധപ്പെട്ട ഫയലുകള് പുറത്തുവിടാന് നീതിന്യായ വകുപ്പിനോട് ആവശ്യപ്പെടുന്ന ബില്ലില് അമേരിക്കന് പ്രസിഡന്റ് ഡൊണാള്ഡ് ട്രംപ് ഒപ്പുവെച്ചു. സാമൂഹിക മാധ്യമമായ ട്രൂത്ത് സോഷ്യലിലൂടെയാണ് ട്രംപ് ഇക്കാര്യം അറിയിച്ചത്. ട്രംപ് ബില്ലില് ഒപ്പുവെച്ചതോടെ അറ്റോര്ണി ജനറല് പാം ബോണ്ടി 30 ദിവസത്തിനുള്ളില് ഏപ്സ്റ്റീനുമായി ബന്ധപ്പെട്ട എല്ലാ ഫയലുകളും പുറത്തുവിടും.
അതേസമയം, നിലവില് നടന്നുകൊണ്ടിരിക്കുന്ന ഫെഡറല് അന്വേഷണങ്ങളെ ബാധിക്കുന്ന വിവരങ്ങള് പുറത്തുവിടാന് സാധ്യതയില്ലെന്നും റിപ്പോര്ട്ടില് പറയുന്നു.