ഷെയ്ഖ് ഹസീനയെ ഇന്ത്യയില് നിന്നും കൈമാറുന്നതിന് ഇന്റര്പോളിനെ സമീപിക്കാന് ബംഗ്ലാദേശ് ഒരുങ്ങുന്നു
By: 600002 On: Nov 19, 2025, 4:47 PM
മുന് പ്രധാനമന്ത്രി ഷെയ്ഖ് ഹസീനയെയും മുന് ആഭ്യന്തര മന്ത്രി അസദുസ്സമാന് ഖാന് കമാലിനെയും ഇന്ത്യയില് നിന്ന് കൈമാറുന്നതിന് ഇന്റര്പോളിനെ സമീപിക്കാന് ബംഗ്ലാദേശ് ഒരുങ്ങുന്നു. ഹസീന സര്ക്കാരിനെതിരായ വിദ്യാര്ത്ഥി പ്രക്ഷോഭം അടിച്ചമര്ത്തിയ പോലീസ് നടപടികളുടെ പേരില് വധശിക്ഷയ്ക്ക് വിധിച്ച ഇരുവരെയും കൈമാറണമെന്ന് ബംഗ്ലാദേശ് സര്ക്കാര് ഇന്ത്യയോട് ആവശ്യപ്പെട്ടിരുന്നു. രാജ്യം വിട്ട ഹസീന ഇന്ത്യയിലാണ് അഭയം തേടിയത്.
രാജ്യാന്തര കുറ്റവിചാരണ ട്രൈബ്യൂണല് വധശിക്ഷയ്ക്ക് വിധിച്ചെങ്കിലും ഹസീനയെ ഇന്ത്യ ഉടന് കൈമാറാന് സാധ്യതയില്ല. കുറ്റവാളികളെ കൈമാറാന് ഇരുരാജ്യങ്ങളും തമ്മിലുള്ള കരാറിന്റെ അടിസ്ഥാനത്തില് ഹസീനയെ കൈമാറണമെന്നാണ് ബംഗ്ലാദേശിന്റെ ആവശ്യം. എന്നാല് ഈ ആവശ്യം തള്ളിക്കളയാനുള്ള അധികാരം കരാറിലെ വ്യവസ്ഥകളിലുണ്ടെന്ന് വിദഗ്ധര് പറയുന്നു.