കാൽഗറിയിലെ മക്നൈറ്റ് ബൊളീവാർഡ്:  മറക്കരുത് ആ ധീരവൈമാനികനെ

 

കാൽഗറിയിലെ മക്നൈറ്റ് ബൊളീവാർഡ്:  മറക്കരുത് ആ ധീരവൈമാനികനെ 

ഈ റിമെംബറൻസ് ഡേയിൽ വീണ്ടും ചർച്ചയാവുകയാണ് മക്നൈറ്റ് ബൊളീവാർഡ് എന്ന പൈലറ്റ്. ആൽബെർട്ടയിൽ നിന്നുള്ള മക് നൈറ്റ്   രണ്ടാം ലോകമഹായുദ്ധത്തിലെ ഏറ്റവും മികച്ച പൈലറ്റുമാരിൽ ഒരാളായിരുന്നു. ബ്രിട്ടീഷ് യുദ്ധത്തിൽ പങ്കെടുത്ത കാനഡയുടെ ഏറ്റവും മികച്ച പൈലറ്റുകളിൽ ഒരാളായാണ് അദ്ദേഹം കണക്കാക്കപ്പെടുന്നത്.

കാൽഗറിയിലെ ചരിത്രകാരി ഷെല്ലി മക്എൽറോയ് ആണ് മക്നൈറ്റിൻ്റെ ജീവിതകഥ വെളിച്ചത്തുകൊണ്ടുവരുന്നത്. 1939-ൽ റോയൽ എയർഫോഴ്‌സിൽ ചേർന്ന മക്നൈറ്റ്, തൻ്റെ കരിയറിൽ 17 ജർമ്മൻ വിമാനങ്ങളെ വെടിവെച്ചിട്ടതായി റോയൽ കനേഡിയൻ എയർഫോഴ്‌സ് രേഖപ്പെടുത്തിയിട്ടുണ്ട്. ​മക്നൈറ്റിൻ്റെ വീരഗാഥകളെക്കുറിച്ചുള്ള വിവരങ്ങൾ ആഴത്തിൽ പഠിച്ച് മക്എൽറോയ് ഒരു പുസ്തകം എഴുതുന്ന തിരക്കിലാണ്. ആകസ്മികമായാണ് താൻ മക്നൈറ്റിൻ്റെ കഥയിലേക്ക് എത്തിയതെന്നും അവർ പറയുന്നു.

1941 ജനുവരി 12-ന്, ഇംഗ്ലീഷ് ചാനലിന് മുകളിലുള്ള ഒരു ദൗത്യത്തിനിടെ മക്നൈറ്റിൻ്റെ 'ഹരികെയിൻ' വിമാനം കാണാതാവുകയായിരുന്നു. അന്ന് 23 വയസ്സ് മാത്രമായിരുന്നു അദ്ദേഹത്തിൻ്റെ പ്രായം. അദ്ദേഹത്തിൻ്റെ പേര് കാൽഗറിയിലെ പ്രധാന പാതയ്ക്ക് നൽകാൻ പ്രേരണയായത് അദ്ദേഹത്തോടൊപ്പം പറന്ന സ്ക്വാഡ്രൺ ലീഡർ ഡഗ്ലസ് ബാഡറായിരുന്നു. എല്ലാ റിമെംബറൻസ് ദിനങ്ങളിലും, കാൽഗറിയിലെ പതിനായിരക്കണക്കിന് ആളുകൾ സഞ്ചരിക്കുന്ന ഈ പാതയിലൂടെ കടന്നുപോകുമ്പോൾ, ആ ധീരപൈലറ്റിൻ്റെ ത്യാഗം കൂടി ഓർമ്മിക്കണമെന്ന് മക്എൽറോയ് പറയുന്നു.