സ്വന്തമായി വീടെന്ന സ്വപ്നം അപ്രാപ്യമാകുന്നതായി വാൻകൂവറിലെ ഭവനരഹിതർ

വാൻകൂവറിൽ സ്വന്തമായി വീടില്ലാത്ത  ഭൂരിഭാഗം ആളുകളും തങ്ങൾക്ക് ഒരിക്കലും ഒരു വീട് വാങ്ങാൻ കഴിയില്ലെന്ന് വിശ്വസിക്കുന്നതായി പുതിയ സർവേ ഫലം വ്യക്തമാക്കുന്നു. നഗരത്തിലെ ഭവനവില കുതിച്ചുയരുന്നതും ജീവിതച്ചെലവിലെ വർദ്ധനവും കാരണം വീട് സ്വന്തമാക്കുക എന്നത് ഒരു സ്വപ്നമായി മാത്രം അവശേഷിക്കുമെന്ന നിരാശയിലാണ് വീടില്ലാത്തവരിൽ ഭൂരിഭാഗം പേരും. വാൻകൂവറിൽ താമസിക്കുന്നവരിൽ ഗണ്യമായ ഒരു വിഭാഗം സ്വന്തം വീട് എന്നതിൽ പ്രതീക്ഷ കൈവിട്ടതായിട്ടാണ് ഈ റിപ്പോർട്ട് സൂചിപ്പിക്കുന്നത്.

ഒരു പ്രാദേശിക പ്രശ്നം എന്നതിലുപരി, വാൻകൂവറിലെ സാമ്പത്തിക അസമത്വം എത്രത്തോളമുണ്ടെന്ന് തുറന്നുകാട്ടുന്നത് കൂടിയാണ് ഈ വിഷയം. ഉയർന്ന മോർട്ട്ഗേജ് നിരക്കുകൾ, കുറഞ്ഞ ശമ്പളം, കുറഞ്ഞ ഭവന ലഭ്യത എന്നിവ യുവാക്കൾക്കും ഇടത്തരക്കാർക്കും വാൻകൂവറിൽ സ്ഥിരതാമസമാക്കുക എന്നത് ബുദ്ധിമുട്ടുള്ള കാര്യമാക്കുന്നു. സ്വന്തം വീട് എന്ന ലക്ഷ്യം നേടാൻ കഴിയില്ലെന്ന് വിശ്വസിക്കുന്നവർ, താമസച്ചെലവ് കുറവായ മറ്റ് പ്രദേശങ്ങളിലേക്ക് മാറുന്നതിനെക്കുറിച്ചോ ജീവിത നിലവാരത്തിൽ മാറ്റങ്ങൾ വരുത്തുന്നതിനെക്കുറിച്ചോ ആലോചിക്കുന്നതായും റിപ്പോർട്ടുകൾ വ്യക്തമാക്കുന്നു. ഈ പ്രതിസന്ധിക്ക് പരിഹാരം കാണാൻ സർക്കാർ തലത്തിലും നഗരതലത്തിലും നയപരമായ ഇടപെടലുകൾ ആവശ്യമാണെന്നും വിദഗ്ധർ ചൂണ്ടിക്കാട്ടി.