കാന്റണ് പോലീസ് ഓഫീസര് ജോലിസ്ഥലത്തേക്ക് പോകുന്നതിനിടെ വാഹനാപകടത്തില് മരിച്ചു
By: 600002 On: Nov 11, 2025, 10:11 AM
പി പി ചെറിയാന്
സ്റ്റാര്ക്ക് കൗണ്ടി(ഒഹായോ): തിങ്കളാഴ്ച ജോലിസ്ഥലത്തേക്ക് പോകുന്നതിനിടെ കാന്റണ് പോലീസ് ഓഫീസര് അപകടത്തില്പ്പെട്ട് മരിച്ചു. ഓഫീസര് ഡേവ് വോള്ഗമോട്ടാണ് മരിച്ചതെന്ന് കാന്ടണ് പോലീസ് പിന്നീട് സ്ഥിരീകരിച്ചു. കാന്റണ് പിഡിയിലെ നമുക്കെല്ലാവര്ക്കും ഇന്ന് വളരെ ദുഃഖകരമായ ദിവസമാണ്. ഡേവിനെ വളരെയധികം മിസ്സ് ചെയ്യും എന്ന് കാന്റണ് പോലീസ് വ്യക്തമാക്കി.
സ്ട്രാസ്ബര്ഗില് നിന്നുള്ള 47 കാരനായ ഓഫിസര് വോള്ഗമോട് 2006 ഓഗസ്റ്റ് 22-ന് കാന്റണ് പോലീസ് ഡിപ്പാര്ട്ട്മെന്റില് ചേരുന്നതു അദ്ദേഹം പട്രോള് ഡിവിഷനില് ജോലിചെയ്ത്, പ്രത്യേകിച്ച് ജയില് പ്രവര്ത്തനങ്ങള് കൈകാര്യം ചെയ്യുകയായിരുന്നു.
CPD അദ്ദേഹത്തെ '19 വര്ഷത്തിലേറെയായി ഞങ്ങളുടെ ടീമിന്റെ സമര്പ്പിത അംഗം'' എന്ന് വിശേഷിപ്പിച്ചു. കാന്റണിലെ താമസക്കാരെ സേവിക്കുന്നതിനും സംരക്ഷിക്കുന്നതിനുമുള്ള അദ്ദേഹത്തിന്റെ പ്രതിബദ്ധത അദ്ദേഹത്തിന് സഹ ഉദ്യോഗസ്ഥരുടെയും അദ്ദേഹം അഭിമാനത്തോടെ സേവിച്ച സമൂഹത്തിന്റെയും ബഹുമാനം നേടിക്കൊടുത്തു. ഇത് ഞങ്ങളുടെ വകുപ്പിനും, സമുദായത്തിനും ദാരുണമായ ഒരു ദിനമാണെന്ന് കാന്റണ് പോലീസ് പറഞ്ഞു.
ഓഫിസര് വോള്ഗമോട്ടിന്റെ കുടുംബത്തെയും സുഹൃത്തുക്കളെയും സഹപ്രവര്ത്തകരെയും അവരുടെ ചിന്തകളിലും പ്രാര്ത്ഥനകളിലും നിലനിര്ത്തണമെന്നും, ഈ ദുഷ്കരമായ സമയത്ത് അവര്ക്ക് ദു:ഖിക്കുക വേണ്ടി സമയവും അനുവദിക്കണമെന്നും ഞങ്ങള് എല്ലാവരും അഭ്യര്ത്ഥിക്കുന്നു.