കേരളപ്പിറവി ആഘോഷം 'കേരളോത്സവം' ഉത്സവമാക്കി മാറ്റി ഹൂസ്റ്റണ് റാന്നി അസ്സോസിയേഷന്
By: 600002 On: Nov 10, 2025, 9:33 AM
ജീമോന് റാന്നി- ജിന്സ് മാത്യു, റിവര്സ്റ്റോണ് ടീം
ഹൂസ്റ്റണ്: അമേരിക്കയിലെ മലയാളി കൂട്ടായ്മകളുടെ പതിവ് ആഘോഷങ്ങള്ക്ക് വ്യത്യസ്തമായി നാം ജനിച്ചു വളര്ന്ന കേരളത്തിന്റെ പിറവിയുടെ 69 മത് വാര്ഷികത്തെ കേരളത്തിന്റെ തനതായ കലകളെയും രുചി വൈഭവങ്ങളെയും കോര്ത്തിണക്കി ഹൂസ്റ്റണ് റാന്നി അസ്സോസിയേഷന് (HRA)അവതരിപ്പിച്ച കേരളപ്പിറവി ആഘോഷം 'കേരളോത്സവം ' A Journey Though Tradition' വൈവിധ്യമാര്ന്ന പരിപാടികള് കൊണ്ട് ശ്രദ്ധേയവും വര്ണാഭവുമായി.
2009ല് പ്രവര്ത്തനങ്ങള്ക്ക് തുടക്കം കുറിച്ച ഹൂസ്റ്റണ് റാന്നി അസ്സോസിയേഷന് നാളിതു വരെയുള്ള വ്യസ്ത്യസ്തമായ പ്രവര്ത്തനങ്ങള്കൊണ്ട് അമേരിക്കയിലെ മലയാളി കൂട്ടായ്മകളില് മികവുറ്റതായി മാറിക്കഴിഞ്ഞു.
നവംബര് 2 നു ഞായറാഴ്ച വൈകുന്നേരം 5 മണിക്ക് മാഗ് ഓഡിറ്റോറിയത്തില് വച്ച് നടന്ന ഈ ചടങ്ങില് റാന്നി കുടുംബാംഗങ്ങളും സുഹൃത്തുക്കളും ചേര്ന്ന ഒരു മനോഹര കേരള മേളയായിരുന്നു അരങ്ങേറിയത്. നാട്യ, നൃത്ത, സംഗീത പ്രദര്ശനങ്ങളിലൂടെ കേരളത്തനിമ നിറഞ്ഞൊരു നയനമനോഹര കാഴ്ചകളൊരുക്കിയ ഒരു കലാമേളയായി അത് മാറി.
എച്ച്.ആര്.എ പ്രസിഡന്റ് ബിജു സഖറിയയുടെ അദ്ധ്യക്ഷതയില് ചേര്ന്ന പൊതു സമ്മേളനം ഡിഡ്ട്രിക്ട് ജഡ്ജ് സുരേന്ദ്രന് കെ. പട്ടേല് ഉത്ഘാടനം ചെയ്തു. ജനറല് സെക്രട്ടറി വിനോദ് ചെറിയാന് സ്വാഗതം അറിയിച്ചു. പോലീസ് ക്യാപ്റ്റന് മനോജ് പൂപ്പാറയില് വിശിഷ്ഠാതിഥിയായിരുന്നു.
ജഡ്ജ് ജൂലി മാത്യു,മാഗ് പ്രസിഡന്റ് ജോസ് കെ. ജോണ് എന്നിവര് പ്രസംഗിച്ചു. ഉപരക്ഷാധികാരിയും മാധ്യമ പ്രവര്ത്തകനുമായ ജീമോന് റാന്നി കേരളപ്പിറവി ദിന സന്ദേശം നല്കി.
വൈസ് പ്രസിഡന്റ് ജിന്സ് മാത്യു റാന്നി വിശിഷ്ടാതിഥികളെ പരിചയപ്പെടുത്തി നിലവിളക്കു കൊളുത്തി ഉത്ഘാടനം ചെയ്യുവാന് ക്ഷണിച്ചു. ട്രഷറര് ബിനു സഖറിയ കൃതജ്ഞതാ പ്രസംഗം നടത്തി.
HRA യുടെ സ്വന്തം ചെണ്ടമേളം ടീം (ജേക്കബ് കുരുവിള ആന്ഡ് ടീം) ഉത്സവത്തിന് കൊഴുപ്പേകി. ഹൂസ്റ്റണിലെ റാന്നിക്കാരായ പ്രമുഖ ഗായകര് ആലപിച്ച കര്ണാനന്ദകരമായ മധുര മനോഹര ഗാനങ്ങള് സദസിന്റെ നിറഞ്ഞ കൈയടി നേടി. മെവിന് ജോണ്, ബിനോയ് തോമസ്, തുടങ്ങിയവര് ഗാനങ്ങ ആലപിച്ചു. ഗായിക മീര സക്കറിയയുടെ പ്രാര്ത്ഥനാ ഗാനത്തോടെ കലാപരിപാടികള് ആരംഭിച്ചു.
നൈനിക ഡാനിയല്, ദിയ ലിസാന് തേവേര്വലില്, ആര്യ സാറാ തെവേര്വലില് എന്നീ കുട്ടികള് അവതരിപ്പിച്ച നൃത്തങ്ങള്, കെസിയ രാജുവിന്റെ ശാസ്ത്രീയ നൃത്തം, ദീന അലക്സ് അവതരിപ്പിച്ച മോഹിനിയാട്ടം, റെജി കളത്തില്, ശ്രീദേവി അനില്കുമാര്, സുസന് ജേക്കബ് എന്നിവര് ചേര്ന്ന് അവതരിപ്പിച്ച സെമിക്ലാസിക്കല് നൃത്തം തുടങ്ങിയവ ആഘോഷങ്ങള്ക്ക് മറ്റൊരു മുഖം നല്കി.
ബിജു സാക്, ബിനു സാക് & സംഘം അവതരിപ്പിച്ച പുരുഷന്മാരുടെ 'ഒപ്പന' നൃത്തം വേറിട്ടതും ആഘോഷ രാവിന് മിഴിവും നല്കി. കേരളമന്നന്, കേരളമങ്ക മല്സരങ്ങള് പുതുമയാര്ന്നതും പരിപാടിക്ക് തിളക്കവുമേകി. അനില് ജനാര്ദ്ദനന് - ശ്രീദേവി അനില്കുമാര് ദമ്പതികള് കേരള മന്നന് മങ്ക കിരീടം നേടിയപ്പോള് ബിനു സഖറിയ, സുജ ബിനു ദമ്പതികള് രണ്ടാം സ്ഥാനം നേടി.
ലതീഷ് കൃഷ്ണന്, സുജ കോശി, റീന സജു എന്നിവര് ഈ മല്സരത്തിനു വിധികര്ത്താക്കളായിരുന്നു. കലാപ്രതിഭകള്ക്കുള്ള അവാര്ഡ് ദാനത്തിന് ജോയിന്റ് സെക്രട്ടറി ബാബു കലീനാ അതിഥികളെ ക്ഷണിച്ചു.
തനി കേരളീയ വിഭവങ്ങളോടുകൂടിയ അത്താഴ സദ്യയോടെ കേരളോത്സവം സമാപിച്ചു. ഉപരക്ഷാധികാരി ജോയ് മണ്ണില്, യൂത്ത് കോര്ഡിനേറ്റര് ജെഫിന് നൈനാന് എന്നിവര് കപ്പ പുഴുക്ക്, നാടന് ശമ്മന്തി, ചക്ക വേവിച്ചത്. കൊഴുക്കട്ട, ഉഴുന്ന് വട തുടങ്ങിയ നാടന് ഭക്ഷണ വിഭവങ്ങളുടെ കലവറ നിയന്ത്രിച്ചു.
ജോയിന്റ് ട്രഷറര് സ്റ്റീഫന് ഏബ്രഹാം, സെന്നി ഹൂസ്റ്റണ്(ഹൂസ്റ്റണ് വോയിസ്), എവെലിന് മാത്യു , സ്നേഹ തോമസ് തുടങ്ങിവയ്വര് വീഡിയോ ഫോട്ടോഗ്രാഫി ടീമിന് നേതൃത്വം നല്കിയപ്പോള് ബിജു സഖറിയ,ഡില്ലന് സഖറിയ എന്നിവര് സൗണ്ട്സ് ആന്ഡ് എഫക്ട് നിയന്ത്രിച്ചു. കേരത്തിന്റെ പച്ചപ്പ് പ്രമേയമാക്കി ഒരുക്കിയ 'ഫോട്ടോ ബൂത്ത്' ജന ശ്രദ്ധയാകര്ഷിച്ചു. മറിയാമ്മ ഏബ്രഹാം (ജെസ്സി), റീന സജി, ജിന്സി ജിനി എന്നിവര് റെജിസ്ട്രേഷന് കൗണ്ടറിന്റെ ചുമതല നിര്വഹിച്ചു.
അനില് ജനാര്ദ്ദനന്, അനില സന്ദീപ് (പ്രോഗ്രാം കോര്ഡിനേറ്റര്) എന്നിവര് എംസിമാരായി 3 മണിക്കൂര് നീണ്ടുനിന്ന പരിപാടികള് നിയന്ത്രിച്ചു.
HRA ഭാരവാഹികളായ ബിജു സക്കറിയ, വിനോദ് ചെറിയാന്,ബിനു സക്കറിയ, ജിന്സ് മാത്യു, ബാബു കലീന, റീന സജി, ജീമോന് റാന്നി, ജോയ് മണ്ണില്, മാത്യൂസ് ചാണ്ടപ്പിള്ള , എബ്രഹാം ജോസഫ് (ജോസ്), സന്ദീപ് തേവര്വെലില്, സജി ഇലഞ്ഞിക്കല്വി തുടങ്ങിയവരുടെ നേതൃത്ത്വത്തില് വിവിധ കമ്മിറ്റികള് പരിപാടിയുടെ വന് വിജയത്തിനായി പ്രവര്ത്തിച്ചു.
സന്ദീപ് തേവര്വലില് മെഗാ സ്പോണ്സര് (പെറി ഹോംസ്), രെഞ്ചു രാജ് (വിന്ഡ്സര് മോര്ട്ട്ഗേജ്), മാത്യൂസ് ചാണ്ടപിള്ള, ജീമോന് റാന്നി, ജൈജു കുരുവിള (TWFG ഇന്ഷുറന്സ് ഗ്രൂപ്പ്), സുബിന് കുമാരന് (കിയാന് ഇന്റര്നാഷണല് LLC & കിയാന് ലോജിസ്റ്റിക്സ് Ltd), ബിജു സക്കറിയ (സാക്ക് ഓഡിയോ ലൈവ് റെക്കോഡിങ് & മിക്സിംഗ്), ബാലു സക്കറിയ (ബാലു സാക് സൂട്ട്) എന്നിവരുടെ സ്പോണ്സര്ഷിപ്പിന്റെയും മറ്റു വെല് വിഷേഴ്സിന്റെയും സഹായത്തോടെയാണ് ഈ പരിപാടി സംഘടിപ്പിച്ചത്.