വര്ണ്ണച്ചിറകുകള്
By: 600002 On: Nov 5, 2025, 9:22 AM
റെയ്ച്ചല് ജോര്ജ്, ടെക്സസ്
രണ്ടായിരത്തില് ലോകം അവസാനിക്കുമെന്ന് നമ്മള് പറഞ്ഞു. ഇന്ന് 2025 ആയി. സമയം പോകുന്നതറിയുന്നില്ല. പുറകോട്ടു നോക്കുമ്പോള്.. മേരിക്കുട്ടി, ലീലാമ്മ കൊച്ചമ്മ, അച്ചന് കുഞ്ഞിച്ചായന്, ജോയിച്ചായന്, ബേബിച്ചായന്, തങ്കച്ചായന്, അന്നമ്മ... അങ്ങനെ ജീവിതത്തിന്റെ ഓരോ പേജുകള് മാറി മറയുന്നു.. അവിടെ വിട്ടുപോയ ഒരു കണ്ണി ഉണ്ടായിരുന്നു.... മേരിക്കുട്ടിയുടെ മകള് മിനു... എവിടെയാണ് എന്തെന്നറിയാത്ത ... ജീവിതത്തില് കാണാന് പറ്റുമോ എന്ന് ഓര്ത്ത നിമിഷങ്ങള്.... രാജസ്ഥാന് ഉണ്ടായിരുന്ന മറിയാമ്മയാണ് കോണ്ടാക്ട് അഡ്രസ്സ് തന്നത്. ഞാനും എന്റെ കുടുംബവും മാത്രമേ അന്ന് നാട്ടിലുള്ളു ബാക്കിയെല്ലാവരും അമേരിക്കയിലേക്ക് ചേക്കേറിയുന്നു.
ലീലാമ്മ കൊച്ചമ്മയുടെ ഇളയ മകന് സണ്ണിക്ക് ബന്ധങ്ങളുടെ ആഴത്തെക്കുറിച്ച് നല്ല അറിവുള്ള ആളാണ്. ഏതാണ്ട് നാലുവര്ഷത്തെ ഞങ്ങളുടെ അന്വേഷണത്തിനുശേഷം , മീനുവിനെയും യാഷിനെയും രണ്ടു പെണ്മക്കളും ഡല്ഹിയില് ഉണ്ടെന്ന് ഉറപ്പുവരുത്തി. വര്ഷങ്ങള്ക്കുശേഷം നേരില് കാണുമ്പോള്... ഉണ്ടാകുന്ന പ്രതികരണം എന്തെന്ന് ഒരു നിശ്ചയം ഉണ്ടായിരുന്നില്ല അവന്.... കുട്ടി കൊച്ചമ്മയും എന്റെ കൂടെ വരണം.... കൊച്ചിയില് നിന്നും ഞാന് ഡല്ഹിയില് എത്തി... എന്നെ കാത്ത് അവന് ഡല്ഹി എയര്പോര്ട്ടില് നില്പ്പുണ്ടായിരുന്നു.
ഡല്ഹിയിലെ തിരക്കുപിടിച്ച നഗരത്തില് നിന്നും ഒഴിഞ്ഞുമാറിയ ഒരു മനോഹരമായ വീട്.... വളരെ ഊഷ്മളമായ സ്വീകരണം... രക്തം രക്തത്തെ തിരിച്ചറിയാതിരിക്കുമോ? കാലഘട്ടത്തിന്റെ പേജുകള് ഇനിയും മറിയും.... വേനല് കഴിഞ്ഞ് ശൈത്യത്തിലേക്ക് കടക്കുന്ന കാലാവസ്ഥ...... വര്ണ്ണാഭമായ കാഴ്ചകള്...സണ്ണി നിന്റെ ചിന്തകള്ക്കും ഇത്രയും വര്ണ്ണങ്ങള് ഉണ്ടോ? നന്ദി ചൊല്ലി തീര്ക്കുവാനി ജീവിതം പോര....