കോട്ടയം ക്ലബ് ഹൂസ്റ്റണ് ഫാമിലി നൈറ്റ് വര്ണ്ണാഭമായി
By: 600002 On: Nov 5, 2025, 9:03 AM
ജീമോന് റാന്നി
ഹൂസ്റ്റണ്: ഹൂസ്റ്റണ് ആസ്ഥാനമായി പ്രവര്ത്തിക്കുന്ന കോട്ടയം ക്ലബ് ഹൂസ്റ്റണ് നടത്തിയ ഫാമിലി നൈറ്റ് ജനപങ്കാളിത്തത്തോടെയും വൈവിധ്യമാര്ന്ന പരിപാടികളോടെയും വിജയകരമായി നടത്തപ്പെട്ടു. ഒക്ടോബര് 18 ശനിയാഴ്ച്ച വൈകിട്ട് ആറുമണിക്ക് സ്റ്റാഫോര്ഡിലെ മലയാളി അസോസിയേഷന് ഓഫ് ഗ്രേറ്റര് ഹൂസ്റ്റന്റെ (മാഗ് ) ഓഡിറ്റോറിയത്തില് വച്ച് നടത്തിയ ഫാമിലി നൈറ്റില് നിരവധി കലാകാരന്മാരുടെയും കലാകാരികളുടെയും കലാ പരിപാടികള് നടത്തപ്പെട്ടു.
വേണുനാഥ് ഗോപിയുടെ ഈശ്വരപ്രാര്ത്ഥനയോടെ ആരംഭിച്ച പരിപാടിയില് ഷിബു കെ മാണി സ്വാഗതം പറഞ്ഞു. കോട്ടയം ക്ലബ്ബിന്റെ ആരംഭം മുതല് ഇതുവരെയും പ്രവര്ത്തിച്ചവരെ അനുസ്മരിച്ചുകൊണ്ടും ഭാവി പരിപാടികളുടെ രൂപരേഖയും അവതരിപ്പിച്ചുകൊണ്ടുള്ളതായിരുന്നു സ്വാഗത പ്രസംഗം. സ്വാഗത പ്രസംഗത്തിനുശേഷം വിശിഷ്ഠാതിഥി ആയിരുന്ന സ്റ്റാഫ്ഫോര്ഡ് സിറ്റി മേയര് കെന് മാത്യു പ്രമുഖ മാധ്യമ പ്രവര്ത്തകനും കോളമിനിസ്റ്റുമായ ബ്ലെസ്സണ് ഹൂസ്റ്റണ് എന്നിവര് ആശംസകള് നേര്ന്നുകൊണ്ട് സംസാരിച്ചു.
അതിനുശേഷം കോട്ടയം ജില്ലയുടെ പൈതൃകത്തേയും പൗരാണികത്തെയും പ്രതിപാതിച്ചുകൊണ്ടും തൃഷ ഷിബു നടത്തിയ
വിവരണം ഇവിടെയുള്ള പുതിയ തലമുറയുടെ നാടിനോടുള്ള സ്നേഹം തുറന്നുകാട്ടി. അതിനുശേഷം കഴിഞ്ഞ വര്ഷത്തെ ടോപ് ടെന് നാഷണല് നേഴ്സ് സയന്റിസ്റ്റില് ഒരാളായി തിരഞ്ഞെടുക്കപ്പെട്ട കോട്ടയം ക്ലബ്ബിന്റെ കമ്മിറ്റി മെമ്പറായ ജോജി ഈപ്പന്റെ സഹ ധര്മ്മിണി ഡോ. ഡോണ്സി ഈപ്പനെ ചടങ്ങില് ആദരിക്കുകയുണ്ടായി. കൂടുതല് പ്രതിബദ്ധതയോടെ പ്രവര്ത്തിക്കാന് ഇത് പ്രചോദനമായെന്ന് ആദരിക്കലിന് നന്ദി പറഞ്ഞുകൊണ്ട് ഡോ. ഡോണ്സി ഈപ്പന്
പറഞ്ഞു. തുടര്ന്ന് ഈ വര്ഷം നടത്തിയ പിക്ക്നിക്കില് കായിക മത്സരത്തില് വിജയികളായവര്ക്ക് മെഡലുകള്
സമ്മാനിക്കുകയുണ്ടായി.
തുടര്ന്ന് നടത്തപ്പെട്ട വിവിധ കലാപരിപാടികളില് ജോന്ന അജി, ആഞ്ജലീന ബിജോയ് , ബിയ മാറിയ ആന് ഫിലിപ്പ്, ജയാ നേടാറ്റോം തുടങ്ങിയവരുടെ നൃത്തങ്ങളും എം ജി യൂണിവേഴ്സിറ്റി കലാതിലകവും നടിയും ഗായികയും നര്ത്തകിയും കോട്ടയം ക്ലബ്ബിന്റെ അഭിമാനവുമായ ലക്ഷി പീറ്റര്, ആന്ഡ്രു ജേക്കബ്, സുജിത് ഗോപന്, മധു ചേരിക്കല്, ജിജു കോശി , അജി ജോസഫ്, ബിജു എബ്രഹാം , സുഗു ഫിലിപ്പ് സുജ ബെന്നി, ഡോ. ഡോണ്സി ഈപ്പന് എന്നിവരുടെ ഗാനങ്ങളും
ഫാമിലി നെറ്റിനെ ഏറെ ഹൃദ്യമാക്കി. ഗായകനും മിമിക്രി കലാകാരന് കൂടിയായ സുജു ഫിലിപ്പ് അവതരിപ്പിച്ച സ്പോട്ട്
ഡബ്ബിങ് പരിപാടിക്ക് മാറ്റ് കൂട്ടുകയും കാണികളെ ആനന്ദത്തിലാറാടിച്ചു.
ബിജു ശിവനും ബിജോയ് തോമസുമായിരുന്നു. പ്രോഗ്രാം കോര്ഡിനേറ്ററമ്മാര് പരിപാടിയില് ട്രീഷ ഷിബു ആയിരുന്നു എം സി. ജോയിന്റ് സെക്രെട്ടറി ബിജു ശിവന് ഈ പരിപാടിയില് എത്തിച്ചേര്ന്ന വിശിഷ്ടാതിഥികള്ക്കും പങ്കെടുത്ത കലാകാരമാര്ക്കും പ്രയത്നിച്ച എല്ലാവര്ക്കും സഹകരിച്ചവര്ക്കും പങ്കെടുത്തവര്ക്കും നന്ദി പറഞ്ഞു കൊണ്ട് സംസാരിച്ചു. വിഭവ സമൃദ്ധമായ ഡിന്നറോടെ പരിപാടികള് സമംഗളം പര്യവസാനിച്ചു.