എസ്എസ്എല്സി പരീക്ഷാ തിയതി പ്രഖ്യാപിച്ചു; മാര്ച്ച് 5 മുതല് 30 വരെ
By: 600002 On: Oct 29, 2025, 10:06 AM
സംസ്ഥാനത്ത് എസ്എസ്എല്സി, ഹയര്സെക്കന്ററി പരീക്ഷാ തിയ്യതികള് പ്രഖ്യാപിച്ചു. 2026 മാര്ച്ച് 5 ന് തുടങ്ങി മാര്ച്ച് 30 വരെയാണ് എസ്എസ്എല്സി പരീക്ഷ നടക്കുക. രാവിലെ 9.30 ന് പരീക്ഷകള് തുടങ്ങും. മെയ് 8നായിരിക്കും എസ്എസ്എല്സി ഫലപ്രഖ്യാപനം.
മാര്ച്ച് 5 മുതല് 27 വരെ ഹയര് സെക്കന്ററി ഒന്നാം വര്ഷ പരീക്ഷകളും, രണ്ടാം വര്ഷം മാര്ച്ച് 6 മുതല് 28 വരെയും നടക്കും. ഒന്നാംവര്ഷ പരീക്ഷ ഉച്ചയ്ക്ക് 1.30നും രണ്ടാം വര്ഷ പരീക്ഷ രാവിലെ 9.30 നും ആരംഭിക്കുമെന്നും സംസ്ഥാനത്ത് 3000 പരീക്ഷ കേന്ദ്രങ്ങളിലാണ് പരീക്ഷ നടക്കുകയെന്നും മന്ത്രി വാര്ത്താസമ്മേളനത്തില് വ്യക്തമാക്കി.