2028ല് വീണ്ടും മത്സരിക്കാമെന്ന് സൂചന നല്കി ഡോണാള്ഡ് ട്രംപ്
By: 600002 On: Oct 28, 2025, 12:21 PM
പി പി ചെറിയാന്
വാഷിംഗ്ടണ്: 2028-ലെ പ്രസിഡന്റ് തെരഞ്ഞെടുപ്പില് വീണ്ടും മത്സരിക്കാനുള്ള സാധ്യത തള്ളി പറയാതെ മുന് അമേരിക്കന് പ്രസിഡന്റ് ഡോണാള്ഡ് ട്രംപ്. അമേരിക്കന് ഭരണഘടനയിലെ 22-ാം ഭേദഗതി പ്രകാരം രണ്ടുതവണയില് കൂടുതല് പ്രസിഡന്റ് സ്ഥാനത്തേക്ക് തിരഞ്ഞെടുക്കാന് സാധിക്കില്ലെങ്കിലും, ട്രംപ് '2028' ബ്രാന്ഡിംഗ് ഉള്ള പ്രചാരണ സാമഗ്രികള് പുറത്തിറക്കിയിട്ടുണ്ട്.
ജപ്പാനിലേക്കുള്ള യാത്രയ്ക്കിടെ മാധ്യമങ്ങളോട് സംസാരിക്കുമ്പോള്, 'ഞാന് അത് തള്ളിക്കളയുന്നില്ല, നിങ്ങള് തന്നെയാണല്ലോ പറയേണ്ടത്,' എന്നാണ് ട്രംപ് പ്രതികരിച്ചത്.
ചിലര് മുന്നോട്ട് വെച്ച മറ്റൊരു തിയറിയനുസരിച്ച്, ട്രംപ് വൈസ് പ്രസിഡന്റായി മത്സരിക്കാമെന്നും തുടര്ന്ന് സ്ഥാനാരോഹണം ചെയ്യാമെന്നുമാണ് അഭിപ്രായം. എന്നാല് ഭരണഘടനയിലെ 12-ാം ഭേദഗതി അനുസരിച്ച് പ്രസിഡന്റ് സ്ഥാനത്തിന് അയോഗ്യനായവര്ക്ക് വൈസ് പ്രസിഡന്റാകാനും കഴിയില്ല.
'നിയമപരമായി എനിക്ക് അത് ചെയ്യാന് കഴിയും,'' എന്ന് ട്രംപ് പറഞ്ഞെങ്കിലും, ''അത് ജനങ്ങള്ക്കിഷ്ടമാകില്ല; അത്രയും 'ക്യൂട്ട്' ആയിരിക്കും, ശരിയായതല്ല,'എന്നും കൂട്ടിച്ചേര്ത്തു.
1951-ല് അംഗീകരിച്ച 22-ാം ഭേദഗതിയാണ് ഒരു വ്യക്തിക്ക് രണ്ടുതവണയില് കൂടുതല് പ്രസിഡന്റ് സ്ഥാനത്തേക്ക് തിരഞ്ഞെടുക്കാനാകില്ലെന്ന് നിശ്ചയിച്ചത്. റിപ്പബ്ലിക്കന് കോണ്ഗ്രസ് അംഗം ആന്ഡി ഒഗിള്സ് ഇത്തവണ തുടര്ച്ചയായ മൂന്നാം കാലാവധിക്ക് അനുമതി നല്കുന്ന ഭേദഗതി നിര്ദ്ദേശം മുന്നോട്ടുവച്ചിരുന്നു.
ട്രംപ്, സെനറ്റര് ജെ.ഡി. വാന്സിനെയും മാര്ക്കോ റൂബിയോയെയും ഉള്പ്പെടുത്തി ഒരു ''അപ്രതിരോധ്യമായ'' കൂട്ടുകെട്ട് രൂപപ്പെടുത്താമെന്ന ആശയവും ഉന്നയിച്ചിട്ടുണ്ട്.