എയർ കാനഡ നൂറു കണക്കിന് മാനേജ്‌മെൻ്റ് തസ്തികകൾ വെട്ടിച്ചുരുക്കുന്നു

 

എയർ കാനഡ നൂറുകണക്കിന് മാനേജ്‌മെന്റ് തസ്തികകൾ വെട്ടിച്ചുരുക്കുന്നു. സമീപകാലത്തുണ്ടായ പണിമുടക്ക് സാമ്പത്തികമായി കനത്ത നാശനഷ്ടമുണ്ടാക്കിയതിനെ തുടർന്നാണ് തീരുമാനം. രണ്ട് മാസത്തിന് ശേഷം ഏകദേശം 400 മാനേജ്‌മെൻ്റ് തസ്തികകൾ വെട്ടിക്കുറയ്ക്കാനാണ് തീരുമാനം.

രാജ്യത്തെ ഏറ്റവും വലിയ വിമാനക്കമ്പനിയാണ് എയർ കാനഡ. ഈ പുനഃസംഘടനയോടെ മൊത്തം ജീവനക്കാരുടെ എണ്ണത്തിൽ ഏകദേശം ഒരു ശതമാനത്തിൻ്റെ കുറവാണ് ഉണ്ടാവുക. സമഗ്രമായ അവലോകനത്തിന് ശേഷമാണ് ഈ തീരുമാനം എടുത്തതെന്നും ഇതൊരു "ബുദ്ധിമുട്ടുള്ള തീരുമാനമായിരുന്നു" എന്നും എയർ കാനഡ വക്താവ് ആഞ്ചല മാഹ് പറഞ്ഞു. ഓഗസ്റ്റിൽ 10,000-ത്തിലധികം വിമാന ജീവനക്കാർ (flight attendants) നടത്തിയ മൂന്ന് ദിവസത്തെ പണിമുടക്കിനെ തുടർന്നാണ് ഈ നടപടി. ഈ പണിമുടക്ക് വിമാന സർവീസുകൾ നിർത്തിവെക്കാനും 3,000-ത്തിലധികം വിമാനങ്ങൾ റദ്ദാക്കാനും കാരണമായിരുന്നു.

പണിമുടക്ക് കാരണം മൂന്നാം പാദത്തിൽ 375 മില്യൺ ഡോളറിൻ്റെ നഷ്ടമുണ്ടായതായി എയർ കാനഡ അറിയിച്ചു. ഉപഭോക്താക്കൾക്കുള്ള റീഫണ്ടുകളും നഷ്ടപരിഹാരങ്ങളും, കൂടാതെ ഓഗസ്റ്റ്, സെപ്റ്റംബർ മാസങ്ങളിലെ ബുക്കിംഗിലുണ്ടായ കുറവും ചേർന്നാണ് ഇത്ര വലിയ നഷ്ടമുണ്ടായത്