വെനസ്വേലയിലെ ടേക്ക് ഓഫിനിടെ വിമാനം തകര്‍ന്നു വീണ് രണ്ട് ജീവനക്കാര്‍ മരിച്ചു 

 

വെനസ്വേലയില്‍ പാരാമില്ലോ വിമാനത്താവളത്തില്‍ ടേക്ക് ഓഫിനിടെ വിമാനം തകര്‍ന്നു വീണ് രണ്ട് ജീവനക്കാര്‍ മരിച്ചു. ബുധനാഴ്ച പ്രാദേശിക സമയം രാവിലെ 9.52 നാണ് അപകടം നടന്നത്. രണ്ട് എഞ്ചിനുകളുള്ള Piper PA-31T1 വിമാനമാണ് തകര്‍ന്ന് വീണത്. പറന്നുയര്‍ന്നതിന് തൊട്ടുപിന്നാലെ നിയന്ത്രണം നഷ്ടപ്പെട്ട വിമാനം റണ്‍വേയില്‍ തകര്‍ന്നു വീണ് തീ പിടിക്കുകയായിരുന്നു. രക്ഷാപ്രവര്‍ത്തകരും അഗ്നിശമന സേനയും ഉടന്‍ സ്ഥലത്തെത്തി തീയണച്ചു.