പ്രതിഫലം നോക്കാതെ ലോകത്തിന് സേവനം നല്കുന്നവരായിരിക്കണം വിശ്വാസ സമൂഹം
By: 600002 On: Oct 22, 2025, 12:19 PM
പി പി ചെറിയാന്
ന്യൂയോര്ക് : ദൈവത്തിന്റെ ദയയില് ജീവിക്കുന്നവര് അപ്രതീക്ഷിതമായ തകര്ച്ചയിലും ദൈവീക ദൗത്യം നിറവേറ്റുന്നവരും പ്രതിഫലം നോക്കാതെ ലോകത്തിന് സേവനം നല്കുന്നവരായിരിക്കണമെന്നും ഡോ. ജോര്ജ് എബ്രഹാം ഉദ്ബോധിപ്പിച്ചു. മനുഷ്യരെ പിന്തുണയ്ക്കുന്നതിനും ദു:ഖം അനുഭവിക്കുന്നവരെ സഹായിക്കുന്നതിനും അവര്ക്കൊപ്പം പ്രവര്ത്തിക്കാന് ഹൃദയം തുറക്കേണ്ടതും ആവശ്യമാണെന്നും അദ്ദേഹം കൂട്ടിച്ചേര്ത്തു .
ഹൂസ്റ്റണ് ആസ്ഥാനമായി പ്രവര്ത്തിച്ചുവരുന്ന ഇന്റര്നാഷണല് പ്രയര്ലൈന് ഒക്ടോബര് 21 ചൊവാഴ്ച ഓണ്ലൈന് പ്ലാറ്റുഫോമില് സംഘടിപ്പിച്ച 598 -മത് സമ്മേളനത്തില് റോമര് 11 -17 മുതല് 20 വരെയുള്ള വാക്യങ്ങളെ ആധാരമാക്കി മുഖ്യ സന്ദേശം നല്ക്കുകയായിരുന്നു ബോസ്റ്റണിലെ സെന്റ് വിന്സന്റ് ആശുപത്രിയിലെ ചീഫ് ഓഫ് മെഡിസിന്,യൂണിവേഴ്സിറ്റി ഓഫ് മാസ്സാചുസറ്റ്സ് മെഡിക്കല് സ്കൂളിലെ പ്രൊഫസര്) ഡോ. ജോര്ജ് എബ്രഹാം.
ബോസ്റ്റണ്. ഡോ. മിസ്റ്റര് ജോണ് എബ്രഹാം, ബോസ്റ്റണ് പ്രാരംഭ പ്രാര്ത്ഥനയോടെയാണ് സമ്മേളനം ആരംഭിച്ചത്. 598 -മത് സെഷന് പിന്നിടുമ്പോള് ലോകത്തിന്റെ വിവിധ ഭാഗങ്ങളില് നിന്നും അഞ്ഞൂറോളം പേര് എല്ലാ ചൊവാഴ്ചയിലും പങ്കെടുക്കുന്നവെന്നത് ദൈവാനുഗ്രഹമായി കാണുന്നുവെന്നും, സഭാവ്യത്യാസമില്ലാതെ നിരവധി ദൈവദാസന്മാര് സമ്മേളനത്തെ അനുഗ്രഹിച്ചതും നന്ദിയോടെ സ്മരിക്കുന്നതായി ആമുഖപ്രസംഗത്തില് സി.വി. സാമുവല് ഡിട്രോയിറ്റ് പറഞ്ഞു.
തിരുവല്ലയില് നടത്തിയ ചടങ്ങില് മാര്ത്തോമാ സഭയുടെ മാനവ സേവാ അവാര്ഡ് ലഭിച്ച ബോസ്റ്റണിലെ കര്മല് മാര്ത്തോമാ സഭയുടെ അംഗമായ മുഖ്യ പ്രഭാഷകന് ഡോ. ജോര്ജ് എബ്രഹാമിനെ ഇന്റര്നാഷണല് പ്രയര്ലൈന് കുടുംബമായി അഭിനന്ദിക്കുന്നുവെന്നും സി വി എസ് പറഞ്ഞു.
ഈ ദിവസങ്ങളില് ജന്മദിനവും , വിവാഹ വാര്ഷീകവും ആഘോഷിക്കുന്ന ഐ പി എല് അംഗങ്ങളെ അനുമോദിക്കുകയും തുടര്ന്ന് സ്വാഗതം ആശംസികുകയും ചെയ്തു. മധ്യസ്ഥ പ്രാര്ത്ഥനക്കു മിസ്റ്റര് എം. വി. വര്ഗീസ് (അച്ചന്കുഞ്ഞ്), ന്യൂയോര്ക്ക് നേതൃത്വം നല്കി.
മിസ്സിസ് ലൈല ഫിലിപ്പ് മാനുവല്, ബോസ്റ്റണ് നിശ്ചയിക്കപ്പെട്ട പാഠഭാഗം വായിച്ചു.റവ. ആഷിഷ് തോമസ് ജോര്ജിന്റെ(വികാരി, കാര്മല് മാര്ത്തോമ്മാ ചര്ച്ച്, ബോസ്റ്റണ്) പ്രാര്ഥനക്കും ആശീര്വാദത്തിനും ശേഷം യോഗം സമാപിച്ചു. അലക്സ് തോമസ് ജാക്സണ്) നന്ദി പറഞ്ഞു. ഷിജു ജോര്ജ് ഹ്യൂസ്റ്റണ്, മിസ്റ്റര് ജോസഫ് ടി. ജോര്ജ് (രാജു), ഹ്യൂസ്റ്റണ് എന്നിവര് സാങ്കേതിക സഹായം പിന്തുണ നല്കി.