ഫെഡറല് സര്ക്കാരിന്റെ ഷട്ട്ഡൗണ് ആളുകളുടെ ജീവന് ഭീഷണിയാകുന്നുവെന്നു ഗവര്ണര് ന്യൂസം
By: 600002 On: Oct 21, 2025, 12:29 PM
പി പി ചെറിയാന്
വാഷിംഗ്ടണ് ഡി.സി: ഫെഡറല് സര്ക്കാരിന്റെ ഷട്ട്ഡൗണ് മൂലം ലക്ഷക്കണക്കിന് താഴ്ന്ന വരുമാനമുള്ള കാലിഫോര്ണിയക്കാര്ക്ക് അടുത്ത മാസം ഭക്ഷ്യസഹായം ലഭിക്കില്ലെന്നു ഗവര്ണര് ഗാവിന് ന്യൂസം മുന്നറിയിപ്പ് നല്കി.
SNAP എന്ന ഫെഡറല് ഭക്ഷ്യസഹായ പദ്ധതി നവംബര് മാസത്തില് നിര്ത്തിവെക്കപ്പെടാന് സാധ്യതയുണ്ടെന്ന് യുഎസ് കാര്ഷിക വകുപ്പ് സംസ്ഥാനങ്ങള്ക്ക് അറിയിച്ചു. കാലി ഫോര്ണിയയില് മാത്രം 55 ലക്ഷം പേര് ഈ പദ്ധതിയില് ആശ്രിതരാണ്.
'ഫെഡറല് സര്ക്കാരിന്റെ ഷട്ട്ഡൗണ് തുടരുന്നത് അവശ്യസാധനങ്ങള്ക്ക് കൂടുതല് വില കൊടുക്കേണ്ട സാഹചര്യമാണുണ്ടാകുന്നത്,' ന്യൂസം ആരോപിച്ചു.
കാലിഫോര്ണിയയിലെ SNAP പദ്ധതി CalFresh എന്ന പേരിലാണ് പ്രവര്ത്തിക്കുന്നത്. ഇതില് ഭാഗമാകുന്നവരില് 63% പേരും കുട്ടികളോ മുതിര്ന്നവരോ ആണെന്ന് അധികൃതര് പറഞ്ഞു.
മഹിളകള്ക്കും കുഞ്ഞുങ്ങള്ക്കും WIC പോഷകപദ്ധതിയും ഫണ്ടില്ലാതെ നിലച്ചേക്കാനുള്ള സാഹചര്യമുണ്ട്, എന്നാല് ഇത് നിലനിര്ത്താന് ട്രംപിന്റെ ഭരണകൂടം ടാരിഫ് വരുമാനം ഉപയോഗിക്കുമെന്ന് റിപ്പോര്ട്ടുകളുണ്ട്.