'ബോണിംഗ് ഈവിള് ഡോള്സ്' പ്രവണത അപകടകരം: മാതാപിതാക്കള്ക്ക് മുന്നറിയിപ്പ് നല്കി ദുബായ് പോലീസ്
By: 600002 On: Oct 20, 2025, 12:57 PM
സമൂഹമാധ്യമത്തില് കുട്ടികള്ക്കിടയില് പടരുന്ന അപകടകരമായ 'ബേണിംഗ് ഈവിള് ഡോള്സ്' എന്ന പ്രവണത വന് ദുരന്തങ്ങള്ക്ക് വഴിവെയ്ക്കുമെന്ന് ദുബായ് പോലീസിന്റെ മുന്നറിയിപ്പ്. ഈ ഓണ്ലൈന് ചലഞ്ച് അനുകരിക്കാന് ശ്രമിക്കുന്നതിനിടെ റാസല്ഖൈമയില് ഏഴ് വയസ്സുകാരിക്ക് ഗുരുതരമായി പൊള്ളലേറ്റ സംഭവത്തിന്റെ പശ്ചാത്തലത്തിലാണ് പോലീസ് നടപടി.
വീടിനകത്തോ പൊതുസ്ഥലത്തോ പാവകളെ കത്തിക്കുന്നത് വലിയ തീപിടുത്തങ്ങള്ക്ക് കാരണമാകുമെന്ന് പോലീസ് മുന്നറിയിപ്പ് നല്കി. തുണിത്തരങ്ങള്, പ്ലാസ്റ്റിക്, സിന്തറ്റിക് മുടി തുടങ്ങിയ വസ്തുക്കള് അടഞ്ഞ ഇടങ്ങളില് കത്തിക്കുന്നത് വിഷവാതകങ്ങള് പുറത്തുവിടാനും തീ അതിവേഗം പടരാനും ഇടയാക്കുമെന്ന് സൈബര് സുരക്ഷാ അവബോധ മാസ ക്യാംപെയ്നിന്റെ ഭാഗമായി അധികൃതര് വ്യക്തമാക്കി.