വെര്മോണില് വിവാദ വാട്ട്സ്ആപ്പ് ചാറ്റ്: റിപ്പബ്ലിക്കന് നിയമനിര്മ്മാതാവ് രാജിവെച്ചു
By: 600002 On: Oct 20, 2025, 9:46 AM
പി പി ചെറിയാന്
വെര്മോണ്ട് :വെര്മോണില് യുവ റിപ്പബ്ലിക്കന് നിയമനിര്മ്മാതാവായ സാമുവല് ഡഗ്ലസ് (26) വംശീയ പരാമര്ശങ്ങളും ഹിറ്റ്ലറെയും അടിമത്തത്തെയും പിന്തുണയ്ക്കുന്ന സന്ദേശങ്ങളും അടങ്ങിയ ഗ്രൂപ്പ് ചാറ്റ് വിവാദമായതിനെ തുടര്ന്ന് രാജിവെച്ചു.
അമേരിക്കയിലെ വിവിധ സംസ്ഥാനങ്ങളിലുള്ള യുവ റിപ്പബ്ലിക്കന് പ്രവര്ത്തകര് പങ്കെടുത്ത സ്വകാര്യ ഗ്രൂപ്പ് ചാറ്റിലാണ് വിവാദ സന്ദേശങ്ങള് പൊതുജന ശ്രദ്ധയില്പ്പെട്ടത്.
വിവാദങ്ങള് രൂക്ഷമായതോടെ ഡഗ്ലസ് വെള്ളിയാഴ്ച രാജിക്കത്ത് മാധ്യമങ്ങള്ക്കും നിയമസഭയ്ക്ക് സമര്പ്പിച്ചു. തിങ്കളാഴ്ച ഉച്ചക്ക് അദ്ദേഹം ഔദ്യോഗികമായി രാജിവെക്കും.
''ഇത് ചിലരെ നിരാശപ്പെടുത്തും, ചിലരെ സന്തോഷിപ്പിക്കും, പക്ഷേ ഈ രാഷ്ട്രീയ കാലാവസ്ഥയില് എന്റെ കുടുംബത്തിന്റെ സുരക്ഷയാണ് പ്രധാന്യം,'' ഡഗ്ലസ് പറഞ്ഞു.
അദ്ദേഹം കുഞ്ഞിന്റെ അച്ഛനായി പിതൃത്വ അവധിയില് നിന്ന് മടങ്ങുമ്പോഴായിരുന്നു ചാറ്റ് വിവാദം പൊട്ടിപ്പുറപ്പെടുന്നത്.