പ്രോസ്റ്റേറ്റ് കാന്സര്: ജോ ബൈഡന് റേഡിയേഷന് ചികിത്സ ആരംഭിച്ചു
By: 600002 On: Oct 13, 2025, 12:39 PM
പി പി ചെറിയാന്
വാഷിംഗ്ടണ് ഡി സി : മുന് പ്രസിഡന്റ് ജോ ബൈഡന് ആക്രമണശേഷിയേറിയ പ്രോസ്റ്റേറ്റ് കാന്സറിന് റേഡിയേഷന് ചികിത്സ ആരംഭിച്ചതായി അദ്ദേഹത്തിന്റെ പ്രതിനിധി അറിയിച്ചു. അടുത്ത മാസം 83 വയസ്സ് തികയുന്ന മുന് പ്രസിഡന്റിന്റെ വക്താവ് ചികിത്സയ്ക്കുള്ള സമയപരിധി നല്കിയില്ല. ഹോര്മോണ് ചികിത്സയും നടത്തി വരികയാണ്.
മെയ് മാസത്തില് അദ്ദേഹത്തിന് പ്രോസ്റ്റേറ്റ് കാന്സര് സ്ഥിരീകരിച്ചിരുന്നു. ഇപ്പോള് അസ്ഥികളിലേക്കു വ്യാപിച്ചതായി വെളിപ്പെട്ടിരുന്നു. 'ഇത് ജയിക്കാനാകും എന്ന് പ്രതീക്ഷിക്കുന്നു,' എന്നാണ് ബൈഡന് അതിനെക്കുറിച്ച് പ്രതികരിച്ചത്.
കഴിഞ്ഞ മാസം ബൈഡന് സ്കിന് കാന്സറിനായി മോസ് ശസ്ത്രക്രിയയും നടത്തിയിരുന്നു. ബേസല് സെല് കാര്സിനോമയാണ് ഏറ്റവും സാധാരണമായ ത്വക്ക് കാന്സറിനുള്ളത്. ഇത് സാവധാനത്തില് വളരുന്നതും സാധാരണയായി ചികിത്സിക്കാന് കഴിയുന്നതുമാണ്.