'ഒക്ടോബര് 7 ഹമാസ് ആക്രമണം രണ്ടാം വാര്ഷികം' ; ഇസ്രായേല് ശക്തമായി മുന്നേറുന്നു
By: 600002 On: Oct 8, 2025, 12:03 PM
പി പി ചെറിയാന്
ജറുസലേം: ഹമാസ് നടത്തിയ 2023 ഒക്ടോബര് 7ലെ ഭീകരാക്രമണങ്ങളുടെ രണ്ടാം വാര്ഷികം ആചരിക്കുന്നു. ഇസ്രായേലിന് ഇപ്പോഴും ആ ദിവസത്തെ ഭീകരതയുടെ ഓര്മ്മയും ദുരിതവും ശക്തമായാണ് അനുഭവപ്പെടുന്നത്. നിരവധി ക്രിസ്ത്യാനികളുടെ പിന്തുണയും അമേരിക്കന് സര്ക്കാരിന്റെ പിന്തുണയും ഇസ്രായേലിന് ശക്തിയും ആശ്വാസവുമാകുന്നു.
'ഇതുവരെ ഇത്രയും ഭീകരമായ ഒരു ദിവസം ഇസ്രായേലിന് ഉണ്ടായിട്ടില്ല. അതിനൊപ്പം, ആഗോളതലത്തില് വര്ദ്ധിച്ചുവന്ന യഹൂദദ്വേഷവും കണ്ടു.' -മുന് ജറുസലേം ഡെപ്യൂട്ടി മേയര് ഫ്ലര് ഹസാന്-നഹൂം പറഞ്ഞു
ഇതുവരെ ആക്രമണത്തില് മരിച്ചവര്ക്കായി പ്രാര്ത്ഥനയും, രക്ഷപ്പെട്ടവര്ക്കായി സഹായവും തുടരുകയാണ്. ഗാസയില് നിന്ന് ഇറങ്ങിയ ഹമാസ് ഭീകരര് കുടുംബങ്ങളെ കൊന്നു, പലരേയും അപഹരിച്ചു. സമ്പൂര്ണ ഇസ്രായേലും ഈ യുദ്ധത്തില് പെട്ടുപോയി.
ഇതുവരെ ഹമാസ്, ഹിസ്ബുല്ല, ഇറാന് തുടങ്ങിയവക്കെതിരെ വലിയ വിജയങ്ങള് നേടിയിട്ടുണ്ട് എന്ന് വിരമിച്ച ഇസ്രായേലി ജനറല് അമീര് അവിവി പറഞ്ഞു.
ഇതേസമയം, ആഗോളതലത്തില് യഹൂദ വിദ്വേഷം രൂക്ഷമായിരിക്കുന്നുവെന്ന് പെന്തെക്കോസ്ത് മിഷന് നേതാവ് ബിഷപ്പ് റോബര്ട്ട് സ്റ്റേണ്സ് അറിയിച്ചു. 'ക്രിസ്ത്യന് സഭകള്ക്ക് വ്യക്തമായ നിലപാട് എടുക്കേണ്ടിയിരിക്കുന്നു, നിങ്ങള് ബൈബിളിലെ ദൈവത്തെയോ, അല്ലെങ്കില് മറ്റ് ഇശ്വരങ്ങളെയോ സേവിക്കുമോ?' എന്ന് അദ്ദേഹം ചോദിച്ചു.
ജൂഡിയയും സമാരിയയും ഉള്പ്പെടെ ഇസ്രായേല് കൂടുതല് ഭൂമികളില് അധിവാസം ഉറപ്പാക്കേണ്ടതുണ്ടെന്ന് ജനറല് അവിവി കൂട്ടിച്ചേര്ത്തു.
ഒക്ടോബര് 7ന് അര്പ്പണമായി, 50 രാജ്യങ്ങളില് നിന്നുള്ള 600ല് പരം ക്രിസ്ത്യാനികള് ഇസ്രായേലിലെത്തി, ഭാവിയിലേക്കുള്ള പ്രതീക്ഷകളുമായി മരിച്ചവരെ അനുസ്മരിച്ചു, ജീവനുള്ളവര്ക്കായി പ്രാര്ത്ഥിച്ചു.