എവറസ്റ്റില് കനത്ത ഹിമപാതം; ഒരു പര്വ്വതാരോഹകന് മരിച്ചു, കാണാതായവര്ക്കായി തിരച്ചില് തുടരുന്നു
By: 600002 On: Oct 7, 2025, 9:44 AM
എവറസ്റ്റ് കൊടുമുടിയുടെ ടിബറ്റന് ചെരിവുകളിലുണ്ടായ കനത്ത ഹിമപാതത്തില് ഒരു പര്വതാരോഹകന് മരിച്ചു. കാണാതായവര്ക്കായി തിരച്ചില് തുടരുന്നു. ഇതിനകം 137 പേരെ രക്ഷപ്പെടുത്തിയെന്ന് വാര്ത്താ ഏജന്സികള് റിപ്പോര്ട്ട് ചെയ്തു. ചൈനയുടെ ഭാഗത്തുള്ള കര്മ താഴ്വരയില് ആയിരത്തിലധികം പര്വതാരോഹകര് കുടുങ്ങിക്കിടക്കുന്നതായി റിപ്പോര്ട്ടുകള് പറയുന്നു.
ദേശീയ ദിനവും ശരത്കാല ഉത്സവവും പ്രമാണിച്ച് ഒക്ടോബര് 1 മുതല് ചൈനയില് 8 ദിവസം അവധിയായതിനാല് ആയിരക്കണക്കിന് ആളുകളാണ് ടിബറ്റ് സന്ദര്ശിച്ചത്. എവറസ്റ്റ് കയറാനും പതിവിലേറെ പേരുണ്ടായിരുന്നു.