സത്യസന്ധരല്ലെന്ന് എന്ന് സംശയിക്കുന്ന ഡ്രൈവർമാരുടെ വാണിജ്യ ഡ്രൈവിംഗ് ലൈസൻസുകൾ താൽക്കാലികമായി റദ്ദാക്കി ഒൻ്റാരിയോ സർക്കാർ

 

സത്യസന്ധരല്ലെന്ന് എന്ന് സംശയിക്കുന്ന ഡ്രൈവർമാരുടെ വാണിജ്യ ഡ്രൈവിംഗ് ലൈസൻസുകൾ ഒൻ്റാരിയോ താൽക്കാലികമായി റദ്ദാക്കി. കുറഞ്ഞത് 185 ഡ്രൈവർമാരുടെ ലൈസൻസ് സസ്‌പെൻഡ് ചെയ്തിട്ടുണ്ട്. ലൈസൻസ്  തിരികെ ലഭിക്കാൻ വീണ്ടും എല്ലാ പരീക്ഷകളും വീണ്ടും എഴുതേണ്ടിവരും.

ക്ലാസ് എ ടെസ്റ്റിംഗിലും/അല്ലെങ്കിൽ പരിശീലന പ്രക്രിയകളിലും പ്രകടിപ്പിച്ച സത്യസന്ധതയില്ലായ്മയുടെ ഫലമായാണ് ക്ലാസ് എ ഒൻ്റാരിയോ ഡ്രൈവിംഗ് ലൈസൻസ് റദ്ദാക്കാൻ കാരണമെന്ന് ഡ്രൈവർമാർക്ക് അയച്ച കത്തിൽ MTO പറഞ്ഞു.  90 ദിവസത്തേക്ക് ലൈസൻസ് സസ്പെൻഡ് ചെയ്ത തീരുമാനത്തിനെതിരെ ഡ്രൈവർമാർക്ക് അപ്പീൽ നൽകാൻ കഴിയുമെങ്കിലും, സസ്പെൻഷൻ അവസാനിക്കുന്നതുവരെ അവർക്ക് ഒരു തരത്തിലുള്ള വാഹനവും ഓടിക്കാൻ അനുവാദമില്ല. ലൈസൻസ് പുനഃസ്ഥാപിക്കുന്നതിന് ഡ്രൈവർമാർ കാഴ്ച പരിശോധന, വിജ്ഞാന പരിശോധന, ഡ്രൈവിംഗ് ടെസ്റ്റ് എന്നിവ വിജയകരമായി പൂർത്തിയാക്കേണ്ടതുണ്ട്.  കൂടാതെ അവർ പരിശോധനകൾക്ക് പണം നൽകുകയും റോഡ് ടെസ്റ്റിനായി ഉചിതമായ ഒരു ട്രക്ക് കൊണ്ടുവരികയും  വേണം.