ലോകത്തിലെ ഏറ്റവും മോശം വായുഗുണനിലവാരമുള്ള പ്രധാന നഗരങ്ങളില് വാന്കുവര് ഒന്നാം സ്ഥാനത്ത്
By: 600002 On: Sep 4, 2025, 11:32 AM
ബുധനാഴ്ച ലോകത്തിലെ ഏറ്റവും മോശം വായുഗുണനിലവാരമുള്ള പ്രധാന നഗരങ്ങളില് ഒന്നാം സ്ഥാനത്ത് വാന്കുവര് ഇടം പിടിച്ചു. രാവിലെ 11.34ന് IQAir ന്റെ കണക്കനുസരിച്ച്, ഏറ്റവും മലിനമായ പ്രധാന നഗരങ്ങളുടെ പട്ടികയില് വാന്കുവറാണ് ഒന്നാം സ്ഥാനത്ത്. 180 AQI ആണ് വാന്കുവറിലെ റീഡിംഗ്. പാകിസ്ഥാനിലെ ലാഹോര്, ഇന്തോനേഷ്യയിലെ ജക്കാര്ത്ത, എത്യോപിയയിലെ അഡിസ് അബാബ എന്നിവയെ വാന്കുവര് മറികടന്നു. കാട്ടുതീയുടെ പുക നഗരങ്ങളില് പടര്ന്നിരിക്കുകയാണ്. ബുധനാഴ്ച രാവിലെ കനത്ത പുക മൂടി. അനാരോഗ്യകരമായ പുക ശ്വസിച്ച് മിക്കവര്ക്കും അസ്വസ്ഥത അനുഭവപ്പെട്ടു.
മെട്രോ വാന്കുവറിന്റെ എയര് ക്വാളിറ്റി നെറ്റ്വര്ക്കായ വായുഗുണനിലവാര സൂചിക(AQHI) രാവിലെ 8 മണിക്കും 10 മണിക്കും ഇടയില് 10+ എന്ന ഏറ്റവും ഉയര്ന്ന വിഭാഗത്തിലെത്തി. പിന്നീട് നേരിയ തോതില് കുറഞ്ഞു. ബുധനാഴ്ച മെട്രോ വാന്കുവറിനും ഫ്രേസര് വാലിക്കും വായുഗുണനിലവാര മുന്നറിയിപ്പ് നല്കി.
അമേരിക്കയിലെ തീപിടുത്തങ്ങള്ക്ക് പുറമേ, ഹോപ്പിന് തൊട്ടുകിഴക്ക്, വിസ്ലറിനടുത്തുള്ള പ്രദേശങ്ങളിലും കരിബൂ മേഖലയിലും കത്തിപ്പടരുന്ന കാട്ടുതീയില് നിന്നുള്ള പുക പ്രവിശ്യയിലുടനീളം പടരുന്നതായി എണ്വയോണ്മെന്റ് കാനഡ അറിയിച്ചു.