എ.ഐ  സംഗീത സംവിധായകരുടെ  വിജയത്തോടെ സംഗീത വ്യവസായത്തിൻ്റെ ഭാവിയെക്കുറിച്ചുള്ള ചർച്ചകളും സജീവമാകുന്നു

 

എ.ഐ  സംഗീത സംവിധായകരുടെ  വിജയത്തോടെ സംഗീത വ്യവസായത്തിൻ്റെ ഭാവിയെക്കുറിച്ചുള്ള ചർച്ചകളും സജീവമാകുന്നു. സംഗീതോപകരണങ്ങളില്ലാതെ ചാറ്റ്ബോട്ടിൻ്റെ സഹായത്തോടെ പാട്ടുകൾ സൃഷ്ടിക്കുന്ന ബ്രിട്ടീഷ് എ.ഐ സംഗീതസൃഷ്ടാവായ ഒലിവർ മക്കാനാണ് സംഗീത ലോകത്തെ ചർച്ച വിഷയം .  സ്വതന്ത്ര റെക്കോർഡ് ലേബൽ Hallwood Mediaയുമായി അദ്ദേഹം ഒരു കരാർ ഒപ്പുവച്ചതോടെ ചർച്ചകളും സജീവമായി.

ആദ്യമായാണ് ഒരു എ ഐ ടൂൾ ഉപയോഗിച്ച് സംഗീതമൊരിക്കുന്ന വ്യക്തിയുമായി Hallwood Media കരാർ ഒപ്പു വെക്കുന്നത്.  37 കാരനായ മക്കാൻ സംഗീതവുമായി ബന്ധമില്ലാത്ത ആളാണ്. വിഷ്യൽ ഡിസൈനറായ അദ്ദേഹം പരീക്ഷണത്തിൻ്റെ ഭാഗമായാണ് ചാറ്റ്ബോട്ട് ടൂൾ ഉപയോഗിച്ച് അദ്ദേഹത്തിൻ്റെ തന്നെ വരികൾക്ക് സംഗീതം ഒരുക്കിയത്. പിന്നാലെ  അദ്ദേഹത്തിൻ്റെ പാട്ടുകൾക്ക് 30 ലക്ഷം സ്ട്രീമുകൾ ഓൺലൈനിൽ ലഭിച്ചു. ഇതോടെ ആണ് കമ്പനി കരാർ ഒപ്പുവച്ചത്. എ.ഐ സൃഷ്ടിക്കുന്ന സംഗീതം പുതുചർച്ചകൾക്ക് വഴിവെക്കുന്നതോടൊപ്പം, “എ.ഐ സ്ലോപ്പ്” എന്ന കുറഞ്ഞ നിലവാരത്തിലുള്ള ഉള്ളടക്കത്തെക്കുറിച്ചുള്ള ആശങ്കകളും ഉയർത്തുന്നുണ്ട്. എ.ഐ സംഗീതസൃഷ്ടി ലോകത്തെ മാറ്റിമറിക്കുമെന്നും എന്നാൽ 29.6 ബില്യൺ ഡോളർ മൂല്യമുള്ള ആഗോള സംഗീതവിപണിയിൽ അതിൻ്റെ യഥാർത്ഥ സ്വാധീനം ഇപ്പോഴും വ്യക്തമല്ലെന്നും വിദഗ്ധർ അഭിപ്രായപ്പെടുന്നു