കാനഡയിലെ അഭയാർത്ഥി സംവിധാനം ദുരുപയോഗം ചെയ്യപ്പെടുന്നു എന്നും അതിവേഗം മാറ്റങ്ങൾ വരുത്തേണ്ടതുണ്ടെന്നും അഭിപ്രായം ഉയരുന്നു

 

കാനഡയിലെ അഭയാർത്ഥി സംവിധാനം ദുരുപയോഗം ചെയ്യപ്പെടുന്നു എന്നും അതിവേഗം മാറ്റങ്ങൾ വരുത്തേണ്ടതുണ്ടെന്നും അഭിപ്രായം ഉയരുന്നു. സർക്കാരിൻ്റെ ഏറ്റവും പുതിയ കണക്കുകൾ പ്രകാരം, 287,786 പേർ അഭയാർത്ഥി പദവിക്കായി അപേക്ഷിച്ച് കാത്തിരിക്കുന്നത്. ഒരുകാലത്ത് നന്നായി പ്രവർത്തിച്ചിരുന്ന കാനഡയുടെ കുടിയേറ്റ, അഭയാർത്ഥി സംവിധാനത്തിൽ ലിബറലുകളാണ് കുഴപ്പങ്ങൾ സൃഷ്ടിച്ചതെന്നും വിമർശനം ഉയരുന്നുണ്ട്. 

രാജ്യത്തുടനീളമുള്ള പ്രവിശ്യാ സർക്കാരുകളിലെ കുടിയേറ്റം കൈകാര്യം ചെയ്യുന്ന മന്ത്രിമാർ  ഫെഡറൽ മന്ത്രി ലെന മെറ്റ്‌ലെജ് ഡയബുമായി ഒരു വെർച്വൽ മീറ്റിംഗ് നടത്തുന്നുണ്ട്.  അഭയാർത്ഥി സംവിധാനം പരിഹരിക്കുക, സ്ഥിര താമസക്കാരുടെ എണ്ണം കുറയ്ക്കുക, നിയമവിരുദ്ധ കുടിയേറ്റം കൈകാര്യം ചെയ്യുക എന്നിവയെല്ലാം യോഗത്തിലെ ചർച്ചാ വിഷയങ്ങളാണ്.  2015ൽ  16,592 അഭയ അപേക്ഷകൾ മാത്രമേ ഉണ്ടായിരുന്നുള്ളൂ. കഴിഞ്ഞ വർഷം ഇത് 190,039 ആയി ഉയർന്നു. 2025 ലെ ആദ്യ ആറ് മാസങ്ങളിൽ ഇത് 55,093 ആണ്. 2015 ൽ ഇതുമായി ബന്ധപ്പെട്ട് കെട്ടിക്കിടക്കുന്ന  കേസുകളുടെ എണ്ണം വെറും 9,999 ആയിരുന്നു. എന്നാൽ ഇന്ന് അത് മൂന്ന് ലക്ഷത്തിന് അടുത്താണ്. പലപ്പോഴും അഭയാർത്ഥി സംവിധാനങ്ങൾ ദുരുപയോഗപ്പെടുത്തുന്നതായും കണ്ടെത്തിയിട്ടുണ്ട്.