ഗ്യാസ് ലാഭിക്കാന് അമിതവേഗതയില് വാഹനമോടിച്ചു; ഒകനാഗനില് എഡ്മന്റണ് സ്വദേശി പിടിയില്
By: 600002 On: Aug 25, 2025, 10:49 AM
ഗ്യാസ് ലാഭിക്കാനായി അമിത വേഗതയില് വാഹനമോടിച്ച എഡ്മന്റണ് സ്വദേശി ഒകനാഗനില് അറസ്റ്റിലായി. ഓഗസ്റ്റ് 16 നാണ് സംഭവം. ഹൈവേ 97 സിയിലെ 100 കിലോമീറ്റര് മേഖലയിലൂടെ മണിക്കൂറില് 136 കിലോമീറ്റര് വേഗതയില് മിനി വാന് ഓടിച്ച 36കാരനാണ് പിടിയിലായതെന്ന് ബീസി ഹൈവേ പട്രോള് അറിയിച്ചു. അമിതവേഗതയില് വാഹനമോടിക്കുന്നത് ശ്രദ്ധയില്പ്പെട്ട ഉദ്യോഗസ്ഥര് വാഹനം തടഞ്ഞുനിര്ത്തിയപ്പോള് ഗ്യാസ് തീരാറായെന്നും അതിനാല് അവശേഷിക്കുന്ന ഗ്യാസ് ലാഭിക്കാനായി അമിതവേഗതയില് വാഹനമോടിക്കുകയായിരുന്നുവെന്നും ഡ്രൈവര് പറഞ്ഞു.
എട്ട് സീറ്റുകളുള്ള മിനിവാനില് ഒമ്പത് പേരുണ്ടായിരുന്നുവെന്നും ഉദ്യോഗസ്ഥര് പറഞ്ഞു. ഇവരില് ഏഴ് പേര് സീറ്റ് ബെല്റ്റ് ധരിച്ചിരുന്നില്ല. ഒരാള് കാര് സീറ്റില് ഇരിക്കേണ്ടതായിരുന്നു. എന്നാല് സീറ്റില് ബക്കിളുകള് ഉണ്ടായിരുന്നില്ലെന്നും പോലീസ് പറഞ്ഞു. വാനില് ഒരു കുട്ടിയുമുണ്ടായിരുന്നു.
അമിതവേഗത, സീറ്റ് ബെല്റ്റ് ധരിക്കാതെ യാത്ര ചെയ്യുക, കുട്ടിയെ കൃത്യമായി വാഹനത്തില് യാത്ര ചെയ്യാതെ ഇരിക്കുക തുടങ്ങിയ കുറ്റങ്ങള് ചുമത്തിയ ഡ്രൈവര്ക്ക് ഏകദേശം 500 ഡോളര് പിഴ ചുമത്തിയിട്ടുണ്ട്. സീറ്റ് ബെല്റ്റ് ധരിക്കാത്തതിന് ബക്കിള് അഴിച്ചുമാറ്റിയ മൂന്ന് യാത്രക്കാര്ക്കും പിഴ ഈടാക്കിയിട്ടുണ്ട്. കൂടാതെ, മിനിവാനിലേക്ക് ഇന്ധനം നിറച്ച ഒരു ജെറി കാന് കൊണ്ടുവരാനും അധിക യാത്രക്കാരനെ കൊണ്ടുപോകാനും ഡ്രൈവര്ക്ക് ടാക്സി ചാര്ജ് നല്കേണ്ടി വന്നു.