കിടിലൻ രുചിയിൽ കുട്ടികൾക്ക് തയ്യാറാക്കി നൽകാം ന്യൂഡിൽസ് ചീസ് ബോൾ

 

 

കുട്ടികളുടെ പ്രിയവിഭവങ്ങളിൽ ഉൾപ്പെടുന്ന ഒന്നാണ് ന്യൂഡിൽസും ചീസ് ബോളും. രുചികരമായ ന്യൂഡിൽസ് ചീസ് ബോൾ വീട്ടിൽ തന്നെ എളുപ്പത്തിൽ തയ്യാറാക്കുന്നത് എങ്ങനെയാണെന്ന് നോക്കിയാലോ.

 ചേരുവകൾ

 ഉരുളക്കിഴങ്ങ് – 2 എണ്ണം ന്യൂഡിൽസ് – 1/2 കപ്പ് സവാള – 1 എണ്ണം പച്ചമുളക് – 1 എണ്ണം വറ്റൽ മുളക് – 1/2 സ്പൂൺ ഇഞ്ചി / വെളുത്തുള്ളി – 1/2 സ്പൂൺ (paste ) ചീസ് – 1 ഷീറ്റ് ബട്ടർ – 1 സ്പൂൺ മുട്ട – 1 എണ്ണം ബ്രെഡ് പൊടി – ആവശ്യത്തിന് ഗരം മസാല – ആവശ്യത്തിന് ചിക്കൻ മസാല – ആവശ്യത്തിന് ഉപ്പ് – ആവശ്യത്തിന് എണ്ണ – ആവശ്യത്തിന് മല്ലിയില – ആവശ്യത്തിന് കുരുമുളക് പൊടി – ആവശ്യത്തിന്

തയ്യാറാക്കുന്ന വിധം

ഉരുളക്കിഴങ്ങ് പുഴുങ്ങി പൊടിച്ചു വയ്ക്കുക. അതിലേക്ക് പച്ചമുളക്, വറ്റൽമുളക്, ഇഞ്ചി /വെളുത്തുള്ളി പേസ്റ്റ്, സവാള, ഗരം മസാല, ഉപ്പ്, ബട്ടർ, കുരുമുളക് പൊടി,ആവശ്യമെങ്കിൽ മല്ലിയില എന്നിവ ചേർത്ത് ഇളക്കി യോജിപ്പിക്കുക. ശേഷം ന്യൂഡിൽസ് ഉണ്ടാക്കി മാറ്റിവയ്ക്കാം. ഉരുളക്കിഴങ്ങ് ഉരുളകളാക്കി ഉള്ളിൽ നൂഡിൽസ് ഫില്ലിം​ഗ് വച്ച് അതിലേക്ക് ചീസ് കൂടി വച്ചു കൊടുക്കുക. ശേഷം ഇവ മുട്ട പൊട്ടിച്ചെടുത്തതിൽ മുക്കി ബ്രെഡ് പൊടിയിൽ മുക്കി എടുക്കുക. ശേഷം എണ്ണയിൽ വറുത്ത് കോരുക. ബ്രൗൺ കളർ ആവുമ്പോൾ കോരി മാറ്റാം. ന്യൂഡിൽസ് ചീസ് ബോൾ തയ്യാർ.