മാര്‍ക്കറ്റ്‌പ്ലെയ്‌സ് വില്‍പ്പനയ്ക്കിടെ അക്രമം; പെപ്പര്‍ സ്‌പ്രേ ഉപയോഗിച്ച് വില്‍പ്പനയ്ക്കായി കൊണ്ടുവന്ന ഐഫോണ്‍ മോഷ്ടിച്ചതായി വെസ്റ്റ്മിന്‍സ്റ്റര്‍ പോലീസ്
By: 600002 On: Jul 9, 2025, 8:00 AM
ഫെയ്‌സ്ബുക്ക് മാര്‍ക്കറ്റ് പ്ലെയ്‌സ് വഴി ഐഫോണ്‍ വില്‍ക്കാന്‍ ശ്രമിച്ചയാളെ ആക്രമിക്കുകയും പെപ്പര്‍ സ്‌പ്രേ ഉപയോഗിച്ച് ഐഫോണ്‍ മോഷ്ടിക്കുകയും ചെയ്തതായി വെസ്റ്റ്മിന്‍സ്റ്റര്‍ പോലീസ് റിപ്പോര്‍ട്ട് ചെയ്തു. തിങ്കളാഴ്ച വൈകിട്ട് 5.20 ഓടെ കൊളംബിയ സ്‌ക്വയറില്‍ ഐഫോണ്‍ വില്‍പ്പന നടത്താന്‍ ശ്രമിച്ചയാള്‍ക്ക് നേരെയാണ് പെപ്പര്‍ സ്േ്രപ ആക്രമണം ഉണ്ടായത്. പ്രതിക്കായി തിരച്ചില്‍ നടത്തുന്നതായി ന്യൂ വെസ്റ്റ്മിന്‍സ്റ്റര്‍ പോലീസ് ഡിപ്പാര്‍ട്ട്‌മെന്റ് അറിയിച്ചു.
വ്യാജ ബില്ലുകള്‍ തനിക്ക് നല്‍കിയതിനെ തുടര്‍ന്ന് പ്രതിയെ താന്‍ പിന്തുടരുകയായിരുന്നുവെന്ന് ഇര പറഞ്ഞു. തുടര്‍ന്ന് ഇയാള്‍ തനിക്ക് നേരെ പെപ്പര്‍ സ്േ്രപ ഉപയോഗിക്കുകയും ഫോണുമായി ടെസ്‌ല കാറില്‍ കടന്നുകളയുകയുമായിരുന്നുവെന്ന് വില്‍പ്പന നടത്തിയയാള്‍ പറഞ്ഞു.
18 നും 20 നും ഇടയില്‍ പ്രായമുള്ള യുവാവാണ് പ്രതി. നീളം കുറഞ്ഞ തവിട്ടുനിറത്തിലുള്ള മുടിയുള്ളയാളാണ്. സംഭവ സമയത്ത് കറുത്ത ഹുഡ് ഉള്ള സ്വെറ്റ് ഷര്‍ട്ടും കറുത്ത പാന്റും കറുത്ത റണ്ണിംഗ് ഷൂസുമാണ് ഇയാള്‍ ധരിച്ചിരുന്നത്. സംഭവത്തെക്കുറിച്ച് എന്തെങ്കിലും വിവരം ലഭിക്കുന്നവരോ സിസിടിവി ദൃശ്യങ്ങള്‍ കയ്യിലുള്ളവരോ ഉണ്ടെങ്കില്‍ പോലീസുമായി ബന്ധപ്പെടണമെന്ന് അധികൃതര്‍ അറിയിച്ചു.