മുസ്ലീം ബ്രദർഹുഡും ഖത്തറും കാനഡയിലുടനീളം വിപുലമായ ശൃംഖല സ്ഥാപിച്ചതായി റിപ്പോർട്ട്

 

ഇസ്ലാമിക സംഘടനയായ മുസ്ലീം ബ്രദർഹുഡ് കാനഡയിലുടനീളം ജീവകാരുണ്യ പ്രവർത്തനങ്ങളുടെയും ധനസമാഹരണത്തിൻ്റെയും വലിയൊരു ശൃംഖല സ്ഥാപിച്ചിട്ടുണ്ടെന്ന് പുതിയ റിപ്പോർട്ട്. മുസ്ലീം ബ്രദർഹുഡുമായി ബന്ധപ്പെട്ട സംഘടനകൾക്ക് കനേഡിയൻ സമൂഹത്തിൻ്റെ എല്ലാ തലങ്ങളിലും എത്തിച്ചേരാൻ കഴിഞ്ഞിട്ടുണ്ടെന്നും  ഇൻസ്റ്റിറ്റ്യൂട്ട് ഫോർ ദി സ്റ്റഡി ഓഫ് ഗ്ലോബൽ ആന്റിസെമിറ്റിസം ആൻഡ് പോളിസി (ISGAP) പറയുന്നു. ഇസ്ലാമിക ഖിലാഫത്ത് സ്ഥാപിക്കുകയെന്ന ലക്ഷ്യത്തോടെ ഈജിപ്തിൽ സ്ഥാപിക്കപ്പെട്ട സംഘടനയാണ് മുസ്ലീം ബ്രദർഹുഡ്.  സംഘടനയുടെ നേതാക്കൾ 'ജൂതന്മാർക്കെതിരെ ജിഹാദും' പ്രഖ്യാപിച്ചിട്ടുണ്ട്.

നിങ്ങൾക്കുവേണ്ടി ഞങ്ങൾ കാവൽ നിൽക്കുന്നു? അമേരിക്കയിലെ രാഷ്ട്രീയം, അക്കാദമിക്, സിവിൽ സമൂഹം എന്നിവയിൽ മുസ്ലീം ബ്രദർഹുഡിൻ്റെ വർദ്ധിച്ചുവരുന്ന സ്വാധീനം" എന്ന തലക്കെട്ടോടെയാണ്  പുതിയ റിപ്പോർട്ട് . കാനഡയുടെ മുൻ നീതിന്യായ മന്ത്രി ഇർവിൻ കോട്ലറെ സംഘടനയുടെ ഡയറക്ടർ ബോർഡിൽ ഉൾപ്പെടുത്തിയിട്ടുണ്ട്.. ഈ റിപ്പോർട്ട് എല്ലാ കാനഡക്കാർക്കുമുള്ള  ഒരു  സന്ദേശമാണ് എന്ന് ISGAP ബോർഡ് ഉപദേഷ്‌ടാവ് ചാൾസ് ആഷർ സ്മോൾ പറയുന്നു. മുസ്ലീം ബ്രദർഹുഡിനെ ഒരു ഭീകര സംഘടനയായി പ്രഖ്യാപിക്കാനും സംശയിക്കപ്പെടുന്ന സംഘടനകൾക്കുള്ള പൊതു ധനസഹായം ഉടൻ മരവിപ്പിക്കാനും സ്മോൾ ഫെഡറൽ സർക്കാരിനോട് ആവശ്യപ്പെട്ടു. ചാരിറ്റിയുടെയും സാമൂഹിക ക്ഷേമത്തിൻ്റെയും മറവിൽ, സെമിറ്റിക് വിരുദ്ധ, ഇസ്രായേൽ വിരുദ്ധ പ്രത്യയശാസ്ത്രങ്ങളെ പ്രോത്സാഹിപ്പിക്കുന്ന നെറ്റ്‌വർക്കുകളെ നിലനിർത്തുന്നതിലും നിയമാനുസൃതമാക്കുന്നതിലും ഫെഡറൽ ഏജൻസികൾ എങ്ങനെ പങ്കാളികളായി എന്ന്  റിപ്പോർട്ട് തുറന്നുകാട്ടുന്നുവെന്നും സ്മാൾ വ്യക്തമാക്കി.