ഫെൻ്റനൈലിനേക്കാൾ 40 മടങ്ങ് ശക്തിയുള്ള മയക്കുമരുന്നുകൾ കാഡയിലേക്ക് കടത്തിയെന്ന് റിപ്പോർട്ട്

ഫെൻ്റനൈലിനേക്കാൾ 40 മടങ്ങ് ശക്തിയുള്ള മാരകമായ ഒപിയോയിഡ്, പ്ലേസ്റ്റേഷനുകളിലും ബാസ്കറ്റ് ബോളുകളിലുമൊക്കെ ഒളിപ്പിച്ച് കാനഡയിലേക്ക് കടത്തിയെന്ന് റിപ്പോർട്ട്. ലിങ്ക്ഡ്ഇൻ, എക്സ്, അഡോബ്, ഇന്ത്യൻ ഇ-കൊമേഴ്‌സ് സൈറ്റുകൾ എന്നിവയിൽ പോസ്റ്റ് ചെയ്ത പരസ്യങ്ങളിലൂടെ ഈ മയക്കുമരുന്നുകൾ  വിറ്റഴിക്കപ്പെട്ടു.  കൊക്കെയ്ൻ, മെത്താംഫെറ്റാമൈൻ, എംഡിഎംഎ, നൈറ്റാസീനുകൾ എന്നിവയാണ് വിൽക്കുന്നത് എന്ന് കാനഡ കേന്ദ്രീകരിച്ച് മയക്കുമരുന്ന് വിൽക്കുന്ന ഒരു വ്യക്തി വെളിപ്പെടുത്തുന്നു.  

മിക്ക ആളുകളും കേട്ടിട്ടില്ലാത്ത ശക്തമായ സിന്തറ്റിക് ഒപിയോയിഡുകളുടെ ഒരു വിഭാഗമാണിതെന്നും  ഫെൻ്റനൈലിനേക്കാൾ 43 മടങ്ങ് കൂടുതൽ ശക്തിയുള്ളതാകാം ഇവയെന്നും പറയപ്പെടുന്നു.   മെഡിക്കൽ ഉപയോഗത്തിന് ഒരിക്കലും അംഗീകാരം ലഭിച്ചിട്ടില്ലാത്തതും നിയന്ത്രിത മയക്കുമരുന്ന്, ലഹരിവസ്തു നിയമപ്രകാരം ഷെഡ്യൂൾ 1 മരുന്നുകളിൽ ഉൾപ്പെട്ടതുമായ നിറ്റാസീനുകൾ, കാനഡയിലുടനീളം മയക്കുമരുന്ന് വേട്ടകളിൽ പിടികൂടപ്പെടുന്നുണ്ട്. കഴിഞ്ഞ വർഷം, ക്യൂബെക്കിൽ മാത്രം നടന്ന രണ്ട് ലാബ് ബസ്റ്റുകളിൽ നിന്ന് ഒരു ദശലക്ഷത്തിലധികം വ്യാജ ഫാർമസ്യൂട്ടിക്കൽ ഓക്സികോഡോൺ ഗുളികകൾ പിടിച്ചെടുത്തിട്ടുണ്ട്. അവ യഥാർത്ഥത്തിൽ പ്രോട്ടോണിറ്റസെപൈൻ ആയിരുന്നു, എന്ന് RCMP പറയുന്നു. കഴിഞ്ഞ നാല് വർഷത്തിനിടെ നൂറുകണക്കിന് കനേഡിയൻമാരാണ് നൈറ്റാസീൻ ഉപയോഗം കാരണം മരിച്ചത് എന്ന് രാജ്യത്തുടനീളം സിബിസി ന്യൂസ് നടത്തിയ അന്വേഷണത്തിൽ നിന്ന് വ്യക്തമായിട്ടുണ്ട്.