ജി 7 ഉച്ചകോടിക്ക് മുന്നോടിയായുള്ള  സുരക്ഷാ ക്രമീകരണങ്ങൾ പുരോഗമിക്കുന്നു

 

അടുത്ത മാസം ആൽബെർട്ടയിൽ നടക്കുന്ന ജി 7 ഉച്ചകോടിക്ക് മുന്നോടിയായുള്ള  സുരക്ഷാ ക്രമീകരണങ്ങൾ പുരോഗമിക്കുകയാണെന്ന് ആർ‌സി‌എം‌പിയും ലോക്കൽ പോലീസും അറിയിച്ചു. പ്രതിഷേധക്കാരെ പ്രതീക്ഷിക്കുന്നുണ്ടെന്നും ഡ്രോണുകളുടെ ആയുധവൽക്കരണം പോലുള്ള പുതിയ സാങ്കേതിക ഭീഷണികളെ നേരിടാൻ നടപടികൾ സ്വീകരിക്കുന്നുണ്ടെന്നും ഉദ്യോഗസ്ഥർ പറഞ്ഞു.

ഒരു രാജ്യത്തിന് ഏറ്റെടുക്കാൻ കഴിയുന്ന ഏറ്റവും വലിയ ആഭ്യന്തര സുരക്ഷാ നടപടികളാണ് ജി 7 ഉച്ചകോടിയുടെ ഭാഗമായി ഒരുക്കുന്നതെന്ന് ആൽബെർട്ട ആർ‌സി‌എം‌പി സൂപ്രണ്ടും ജി 7 ഇന്റഗ്രേറ്റഡ് സേഫ്റ്റി ആൻഡ് സെക്യൂരിറ്റി ഗ്രൂപ്പിൻ്റെ ഇവൻ്റ് സെക്യൂരിറ്റി ഡയറക്ടറുമായ ഡേവിഡ് ഹാൾ  പറഞ്ഞു.  പ്രതിനിധി സംഘങ്ങളുടെ തലവന്മാരെ സംരക്ഷിക്കുന്നതും ഉച്ചകോടിയുടെ സുരക്ഷ ഉറപ്പാക്കുന്നതും ആർ‌സി‌എം‌പിയുടെ ഉത്തരവാദിത്തമാണെന്നും അദ്ദേഹം കൂട്ടിച്ചേർത്തു.
ജൂൺ 15 മുതൽ 17 വരെ ആൾട്ടയിലെ കനനാസ്കിസിൽ ആണ് ജി 7 ഉച്ചകോടി. ഉക്രൈൻ പ്രസിഡൻ്റ് വൊളോഡിമർ സെലെൻസ്‌കിയെയും പരിപാടിയിലേക്ക് ക്ഷണിച്ചിട്ടുണ്ട്. ജൂൺ 10 മുതൽ ജൂൺ 18 വരെ പ്രധാന ഉച്ചകോടി വേദികൾക്ക് ചുറ്റും ഒരു നിയന്ത്രിത പ്രവേശന മേഖല സ്ഥാപിക്കുമെന്നും ആർ‌സി‌എം‌പി  അറിയിച്ചു