ഭൂമിയിൽ ഓക്സിജൻ ഇല്ലാതാകും, മനുഷ്യനടക്കമുള്ള ജീവികൾക്ക് അതിജീവനം അസാധ്യമാകും, എന്ന് സംഭവിക്കുമെന്ന് പ്രവചനം

ടോക്യോ: നാസയുടെ പ്ലീനറ്ററി മോഡലിങ് ഉപയോ​ഗിച്ച് ജപ്പാനിലെ ടോഹോ സർവകലാശാലയിലെ ​ഗവേഷകർ നടത്തിയ സൂപ്പർ കമ്പ്യൂട്ടർ സിമുലേഷനിൽ (സങ്കീർണമായ വിഷയങ്ങൾ സൂപ്പർ കമ്പ്യൂട്ടറുകൾ ഉപയോ​ഗിച്ച് വിശകലനം ചെയ്യുന്ന രീതി)  ഭൂമിയിൽ 100 കോടി വർഷത്തിനുള്ളിൽ ഓക്സിജൻ അപ്രത്യക്ഷമാകുമെന്ന് പ്രവചനം. ഏകദേശം ഒരു ബില്യൺ വർഷത്തിനുള്ളിൽ ഭൂമിയിലെ ഓക്സിജൻ അപ്രത്യക്ഷമാകുമെന്നും അതുവഴി മനുഷ്യനടക്കമുള്ള ജീവികൾക്ക് അതിജീവനം അസാധ്യമാകുമെന്നും പ്രവചിക്കുന്നു. 400,000 സിമുലേഷനുകൾ ഉപയോഗിച്ചാണ് ഭൂമിയുടെ അന്തരീക്ഷത്തിന്റെ പരിണാമം ​ഗവേഷണത്തിന് വിധേയമാക്കിയത്. കൃത്യം 1,000,002,021 വര്‍ഷത്തിനുള്ളില്‍ ഭൂമിയിലെ ജൈവാന്തരീക്ഷം ഇല്ലാതാകുമെന്നാണ് പറയുന്നത്. 

അമിത ചൂടും പ്രകാശസംശ്ലേഷണത്തിന് ആവശ്യമായ കാർബൺ ഡൈ ഓക്സൈഡ് ക്ഷാമവും കൂടിച്ചേർന്ന് 2 ബില്യൺ വർഷങ്ങൾക്കുള്ളിൽ ഭൂമിയുടെ ജൈവമണ്ഡലം അവസാനിക്കുമെന്ന് പൊതുവെ കരുതപ്പെടുന്നുവെന്നും അദ്ദേഹം പറഞ്ഞു. വിദൂര ഭാവിയിൽ അന്തരീക്ഷത്തിലെ ഓക്സിജൻ അളവ് ക്രമേണ കുറയുമെന്ന് പ്രതീക്ഷിക്കാം. എന്നിരുന്നാലും, ഇത് എപ്പോൾ, എങ്ങനെ സംഭവിക്കുമെന്ന് കൃത്യമായി വ്യക്തമല്ലെന്നും അദ്ദേഹം പറഞ്ഞു. ഓക്സിജൻ ഇല്ലാതായാൽ 1 ബില്ല്യൺ വർഷത്തിൽ തന്നെ ഭൂമിയിലെ ജൈവമണ്ഡലം ഇല്ലാതാകുമെന്നാണ് ​ഗവേഷകർ പറയുന്നു.