കാനഡയിൽ തൊഴിലില്ലായ്മ  വീണ്ടും വർദ്ധിച്ചതായി സ്റ്റാറ്റിസ്റ്റിക്സ് കാനഡ

 

കാനഡയിൽ തൊഴിലില്ലായ്മ  വീണ്ടും വർദ്ധിച്ചതായി സ്റ്റാറ്റിസ്റ്റിക്സ് കാനഡ. ഏറ്റവും പുതിയ റിപ്പോർട്ട് അനുസരിച്ച് ഏപ്രിലിൽ കനേഡിയൻ തൊഴിൽ വിപണി ഏറെക്കുറെ സ്തംഭിച്ചതായാണ് റിപ്പോർട്ട്. 7,400 പുതിയ തൊഴിലവസരങ്ങൾ മാത്രമാണ് ഉണ്ടായത്. ഇതോടെ തൊഴിലില്ലായ്മ നിരക്ക് 0.2 ശതമാനം ഉയർന്ന് 6.9 ശതമാനമായതായി സ്റ്റാറ്റിസ്റ്റിക്സ് കാനഡ അറിയിച്ചു. മാർച്ചിൽ 6.7 ശതമാനമായിരുന്നു തൊഴിലില്ലായ്മ നിരക്ക്.

ബിസിയിലും ദേശീയതലത്തിലും തൊഴിലില്ലായ്മ നിരക്ക് കുതിച്ചുയരുകയാണെന്നാണ് സ്റ്റാറ്റിസ്റ്റിക്സ് കാനഡയുടെ ഏറ്റവും പുതിയ കണക്കുകൾ കാണിക്കുന്നത്. കഴിഞ്ഞ നവംബറിന് ശേഷം ഇതാദ്യമായാണ് തൊഴിലില്ലായ്ന നിരക്ക് 6.9 ശതമാനത്തിൽ എത്തുന്നത്. ഡൊണാൾഡ് ട്രംപിൻ്റെ വ്യാപാര യുദ്ധത്തിൻ്റെ ഫലങ്ങൾ അനുഭവപ്പെടാൻ തുടങ്ങിയതോടെ നിർമ്മാണ ഹോസ്പിറ്റാലിറ്റി മേഖലകളിലെ തൊഴിൽ നഷ്ടങ്ങളും കൂടിയിട്ടുണ്ട്.