പ്രസാദ് ഫിലിപ്പോസ്, (68 വയസ്) അമേരിക്കയിലെ അറ്റ്ലാന്റയിൽ അന്തരിച്ചു
By: 600008 On: Apr 28, 2025, 8:44 AM
പ്രസാദ് ഫിലിപ്പോസ്, (68 വയസ്) അമേരിക്കയിലെ അറ്റ്ലാന്റയിൽ 2025 ഏപ്രിൽ 22-ന് അന്തരിച്ചു. കൊച്ചി പാലാരിവട്ടത്ത് വലിയവീട്ടിൽ പരേതനായ ശ്രീ പി.കെ. ഫിലിപ്പോസിന്റെയും പരേതയായ വടക്കേടത്ത് ശ്രീമതി രാജമ്മ ഫിലിപ്പോസിന്റെയും മകനാണ്.
പ്രസാദിന്റെ പ്രിയ പത്നി ബീന മേരി ഫിലിപ്പോസ് (മേരി ജോർജ്ജ്) , മക്കൾ ആരതി, അഞ്ജലി, അഭിലാഷ് ; മരുമകൻ എറിക് ജാരറ്റ്; പേരക്കുട്ടികളായ ആൻഡി, അന്ന; Cdr. ജോൺ ഫിലിപ്പോസ് (പ്രകാശ്) (റിട്ട.), പ്രദീപ് ഫിലിപ്പോസ് എന്നിവർ സഹോദരന്മാരാണ്.
1996-ൽ യുഎസിലേക്ക് താമസം മാറിയ ശേഷം പ്രസാദ് ഫൈസറിൽ ജോലി ചെയ്തു, പിന്നീട് ഐടി സ്റ്റാഫിംഗിലും റിയൽ എസ്റ്റേറ്റിലും പ്രവർത്തിച്ചു.
വിനയത്തിനും സന്തോഷത്തിനും പേരുകേട്ട അദ്ദേഹം, സഭാംഗങ്ങളെയും സമൂഹത്തെയും ആവശ്യക്കാരായ മറ്റുള്ളവരെയും ഒരു മടിയും കൂടാതെ സഹായിച്ചിരുന്നു. ശ്രദ്ധേയനായ ഒരു നേതാവും അസാധാരണ വ്യക്തിത്വവും ആയിരുന്നു പ്രസാദ്. മലയാളി സമൂഹത്തിന് അദ്ദേഹത്തിന്റെ വിയോഗം ഒരു വലിയ നഷ്ടമാണ്. എല്ലാവർക്കും അദ്ദേഹം പ്രസാദ് അങ്കിൾ ആയിരുന്നു. പള്ളിയിലും സമൂഹത്തിലും അദ്ദേഹം സജീവമായിരുന്നു. ജോർജിയ മലയാളി അസോസിയേഷനിൽ (ഗാമ) വളരെക്കാലം നേതൃത്വനിരയിൽ നടത്തിയിരുന്ന പ്രസാദിന്റെ നിസ്വാർത്ഥ സേവനം പ്രശംസനീയമാണ്.
ശവസംസ്കാര ശുശ്രൂഷകൾ മെയ് 3 ശനിയാഴ്ച സെന്റ് മേരീസ് ഓർത്തഡോക്സ് ചർച്ച് ഓഫ് അറ്റ്ലാന്റയിൽ,( 1950 ഓൾഡ് അലബാമ റോഡ്, റോസ്‌വെൽ, ജിഎ 30076).നടത്തപ്പെടുന്നു.
രാവിലെ 8:30 – 9:00 വരെ സ്വകാര്യ കുടുംബ വ്യൂവിങ്ങും തുടർന്ന്
രാവിലെ 9:00 – 1:00 വരെ പൊതു വീക്ഷണവും മെമ്മോറിയൽ ശുശ്രൂഷയും നടത്തുമെന്നാണ് അറിയിച്ചിരിക്കുന്നത്.
ഗ്രേറ്റർ അറ്റ്‌ലാന്റാ മലയാളി അസോസിയേഷൻ (GAMA ) അനുശോചനത്തിൽ പറഞ്ഞത്
"ഈ ദുഷ്‌കരമായ സമയത്ത്, ബീന ഫിലിപ്പോസിനും മുഴുവൻ കുടുംബത്തിനും ഞങ്ങളുടെ ഹൃദയംഗമമായ അനുശോചനം അറിയിക്കുന്നു. പരേതനായ ആത്മാവിനെയും ദുഃഖിതരായ കുടുംബാംഗങ്ങളെയും നിങ്ങളുടെ പ്രാർത്ഥനകളിൽ ഉൾപ്പെടുത്തുക. ഞങ്ങളുടെ അഗാധമായ അനുശോചനവും അറിയിക്കുന്നു"
ഇൻഡോ അമേരിക്കൻ പ്രസ്‌ ക്ലബ്ബിന്റെ സജീവ പ്രവർത്തകൻ ആയിരുന്ന പ്രസാദ് ഫിലിപ്പോസിന്റെ വിയോഗത്തിൽ സ്ഥാപക ചെയർമാൻ ജിൻസ്മോൻ സഖറിയായും വൈസ് ചെയർമാൻ മാത്യു ജോയിസും അറ്റ്‌ലാന്റാ ചാപ്റ്റർ ഭാരവാഹികളും അനുശോചനം അറിയിച്ചു.
ഗ്ലോബൽ ഇന്ത്യൻ കൗൺസിൽ പ്രസിഡന്റ് പി സി മാത്യു, വൈസ് പ്രസിഡന്റ് പ്രൊ. ജോയി പല്ലാട്ടുമഠം, ട്രഷറർ റ്റോം ജോർജ്ജ് കോലത്ത് എന്നിവരും അനുശോചനം അറിയിച്ചിട്ടുണ്ട്.