എഡ്മന്റണിലെ വീടുകളുടെ വില്‍പ്പന ഉയര്‍ന്നു, വിലയിലും വര്‍ധന
By: 600002 On: Apr 4, 2025, 6:00 PM
തിരക്കേറിയ സീസണിന് മുന്നോടിയായി പുതിയ ഇന്‍വെന്ററി വിപണിയിലെത്തുമെന്നതിനാല്‍ എഡ്മന്റണില്‍ ഭവന വിലയില്‍ വര്‍ധനവ് തുടരുകയാണെന്ന് റിയല്‍റ്റേഴ്‌സ് അസോസിയേഷന്‍ ഓഫ് എഡ്മന്റന്റെ റിപ്പോര്‍ട്ട്. വീടുകളുടെ വില്‍പ്പനയിലും വന്‍ വര്‍ധനവാണ് റിപ്പോര്‍ട്ട് ചെയ്തിരിക്കുന്നത്. മാര്‍ച്ചില്‍ ഗ്രേറ്റര്‍ എഡ്മന്റണ്‍ ഏരിയയില്‍(ജിഇഎ) 2,494 റെസിഡന്‍ഷ്യല്‍ വില്‍പ്പനയാണ് നടന്നത്. ഫെബ്രുവരിയെ അപേക്ഷിച്ച് 36.9 ശതമാനം വര്‍ധനയും 2024 മാര്‍ച്ചിനെ അപേക്ഷിച്ച് 1.3 ശതമാനം വര്‍ധനയും രേഖപ്പെടുത്തി.
പുതിയ ലിസ്റ്റിംഗുകള്‍ കഴിഞ്ഞ മാസം ഉയര്‍ന്ന് 3,780 ആയി. ഫെബ്രുവരിയില്‍ നിന്ന് 44.5 ശതമാനം വര്‍ധനവും കഴിഞ്ഞ വര്‍ഷത്തെ ഈ മാസത്തേക്കാള്‍ 7.5 ശതമാനവും വര്‍ധിച്ചു. കഴിഞ്ഞ മാസം GEA യിലെ മൊത്തത്തിലുള്ള ഇന്‍വെന്ററി 16.6 ശതമാനം ഉയര്‍ന്നു. എങ്കിലും കഴിഞ്ഞ വര്‍ഷത്തേക്കാള്‍ 8.1 ശതമാനം കുറവാണ് ഇന്‍വെന്ററി ലെവലുകള്‍.