വെറും വാക്കല്ല, ട്രംപ് പറഞ്ഞു, വൈകാതെ ചെയ്തു കാണിച്ചു: കുതിച്ചുയര്‍ന്ന് ക്രിപ്റ്റോ വില

 

 

  പ്രസിഡണ്ട് തെരഞ്ഞെടുപ്പ് സമയത്ത് ഡൊണാള്‍ഡ് ട്രംപ് ആവര്‍ത്തിച്ചുപറഞ്ഞിരുന്ന രണ്ട് കാര്യങ്ങളാണ് തീരുവയും ക്രിപ്റ്റോയും..അധികാരമേറ്റ ശേഷം ലോക സമ്പദ് വ്യവസ്ഥയെ തീരുവ കാട്ടി ഭയപ്പെടുത്തുന്ന ട്രംപ് കിപ്റ്റോയുടെ തലസ്ഥാനമാക്കി അമേരിക്കയെ മാറ്റാനുള്ള ശ്രമത്തിലാണ്. ഇടിവ് നേരിട്ടിരുന്ന ക്രിപ്റ്റോ കറന്‍സി വില കുതിച്ചുയരുന്നതിന് ഇടയാക്കിയ ഒരു പ്രഖ്യാപനം നടത്തിയിരിക്കുകയാണ് ട്രംപ്. അമേരിക്ക ഔദ്യോഗികമായി ക്രിപ്റ്റോ ശേഖരം ഒരുക്കുമെന്നാണ് ട്രംപ് പ്രഖ്യാപിച്ചിരിക്കുന്നത്. ഇതോടെ ക്രിറ്റോ കറന്‍സികളുടെ വിലയില്‍ 10 ശതമാനം ഉയര്‍ച്ചയുണ്ടായി. എക്സ്ആര്‍പി, സോളാന (എസ്ഒഎല്‍), കാര്‍ഡാനോ (എഡിഎ) തുടങ്ങിയ ടോക്കണുകളും ബിറ്റ്കോയിന്‍, എഥിറിയം എന്നിവയും ഉള്‍പ്പെടുന്ന സ്ട്രാറ്റജിക് ക്രിപ്റ്റോ റിസര്‍വ് ട്രംപ് പ്രഖ്യാപിച്ചതോടെ ക്രിപ്റ്റോ വിപണി ശക്തമായ മുന്നേറ്റം നടത്തി. ചില ക്രിപ്റ്റോകള്‍ 24 മണിക്കൂറിനിടെ 60 ശതമാനം വരെ ഉയര്‍ന്നു.