അന്യായമെന്ന് ട്രംപ്, പിന്നാലെ ഇന്ത്യ തീരുമാനമെടുത്തു; ജാക്ക് ഡാനിയലടക്കമുള്ള ബർബൺ വിസ്കിയുടെ തീരുവ കുറച്ചു

 

ന്യൂയോർക്ക്: അമേരിക്കയിലെ ഏറ്റവും ജനപ്രിയമായ ബർബൺ വിസ്കിയുടെ ഇറക്കുമതി തീരുവ ഇന്ത്യ വെട്ടികുറച്ചു. പ്രധാനമന്ത്രി നരേന്ദ്ര മോദിയുടെ അമേരിക്കൻ സന്ദർശനത്തിനിടെയാണ് തീരുമാനം. ദക്ഷിണേഷ്യൻ രാജ്യങ്ങളിൽ ബർബൺ വിസ്കിയുടെ ഉയർന്ന തീരുവ ട്രംപ് ചൂണ്ടിക്കാട്ടിയിരുന്നു. 150 ശതമാനം ഇറക്കുമതി തീരുവ അന്യായമെന്നായിരുന്നു ട്രംപ് അഭിപ്രായപ്പെട്ടത്. ഇതിന് പിന്നാലെ ഇന്ത്യ, അമേരിക്കൻ നിർമ്മിത വിസ്കിയുടെ തീരുവ 150 ൽ നിന്ന് 100 ആയി കുറക്കുകയായിരുന്നു. ബർബണിന്റെ അടിസ്ഥാന കസ്റ്റംസ് തീരുവ 50% ആയിരിക്കും, 50% അധിക ലെവി കൂടി ഉൾപ്പെടുത്തുമ്പോൾ ആണ് തീരുവ 100% ആകുക.