സ്വകാര്യ ആവശ്യങ്ങൾക്കായി ക്രെഡിറ്റ് കാർഡ് ഉപയോഗിച്ച്പണം വാങ്ങിയ വാലി മിൽസ് പോലീസ് മേധാവിയും ഒരു ഉദ്യോഗസ്ഥനും അറസ്റ്റിൽ

                  പി പി ചെറിയാൻ ഡാളസ് 

ജോൺസൺ കൗണ്ടിയിലെ ഒന്നിലധികം ഗ്യാസ് സ്റ്റേഷനുകളിൽ ഇന്ധനം വാങ്ങാൻ ക്രെഡിറ്റ് കാർഡ് ഉപയോഗിച്ച തട്ടിപ്പു നടത്തിയ വാലി മിൽസ് പോലീസ് മേധാവി മാത്യു കാൻട്രെല്ലിനെയും ഓഫീസർ സോളമൻ ഒമോട്ടോയയെയും അന്വേഷണത്തെത്തുടർന്ന് അറസ്റ്റ് ചെയ്തു.ഫെബ്രുവരി 10 നാണു ഇരുവരെയും കസ്റ്റഡിയിലെടുത്തത്

പോലീസ് വകുപ്പ് ഉൾപ്പെട്ട സംശയാസ്പദമായ ക്രെഡിറ്റ് കാർഡ് പ്രവർത്തനം ശ്രദ്ധയിൽപ്പെട്ടതിനെത്തുടർന്ന് ജനുവരി പകുതിയോടെ വാലി മിൽസ് സിറ്റി കൗൺസിൽ അംഗം ഷെരീഫിന്റെ ഓഫീസുമായി ബന്ധപ്പെട്ടു.
തുടർന്ന്‌ ജോൺസൺ കൗണ്ടിയിലെ ഒന്നിലധികം ഗ്യാസ് സ്റ്റേഷനുകളിൽ ഇന്ധനം വാങ്ങാൻ പോലീസ് മേധാവിയും ഒരു ഉദ്യോഗസ്ഥനും നഗരത്തിലെ ക്രെഡിറ്റ് കാർഡ് ഉപയോഗിച്ചതായി അന്വേഷകർ കണ്ടെത്തി.

വാലി മിൽസിൽ ഡ്യൂട്ടിയിലായിരിക്കെ ടെക്സസ് റേഞ്ചേഴ്‌സും എഫ്ബിഐയും ഒമോട്ടോയയെ അറസ്റ്റ് ചെയ്തു. ജോൺസൺ കൗണ്ടിയിലെ അദ്ദേഹത്തിന്റെ വീട്ടിൽ വെച്ചാണ് കാൻട്രലിനെ കസ്റ്റഡിയിലെടുത്തത്.

അന്വേഷണം തുടരുകയാണ്, കൂടുതൽ വിവരങ്ങൾ പുറത്തുവിട്ടിട്ടില്ല.