കാനഡയിലെ മറ്റ് പ്രവിശ്യകളിൽ നിന്ന് വ്യത്യസ്തമായി കുടുബദിനം ആഘോഷിക്കാതെ ക്യൂബെക് നിവാസികൾ

 

എല്ലാ കനേഡിയൻ പ്രവിശ്യകളിലും  ഫെബ്രുവരിയിലെ മൂന്നാമത്തെ തിങ്കളാഴ്ച കുടുംബദിനമായി ആഘോഷിക്കുന്നു.  എന്നാൽ ഇതിൽ നിന്നും വ്യത്യസ്തമാണ് ക്യൂബെക്ക്. ഫെബ്രുവരിയിലെ മൂന്നാമത്തെ തിങ്കളാഴ്ച മറ്റ് പ്രവിശ്യകൾക്ക് അവധിയാണ്. ന്യൂ ബ്രൺസ്‌വിക്ക്, ആൽബെർട്ട, ഒൻ്റാരിയോ, സസ്‌കാച്ചെവൻ, ബ്രിട്ടീഷ് കൊളംബിയ എന്നിവിടങ്ങളിൽ കുടുംബദിനം ആചരിക്കുന്നു. അന്നേ ദിവസം  പ്രിൻസ് എഡ്വേർഡ് ദ്വീപ്,  ദ്വീപുവാസി ദിനവും, മാനിറ്റോബ ലൂയിസ് റീൽ ദിനവും, നോവ സ്കോഷ്യ പൈതൃക ദിനവും ആയാണ് ആഘോഷിക്കുന്നത്. ക്യൂബെക്കിൽ പക്ഷേ അന്ന് അവധിയില്ല.  

ആളുകൾക്ക് അവരുടെ കുടുംബത്തോടൊപ്പം സമയം ചെലവഴിക്കാൻ അവസരം നൽകുക എന്ന ലക്ഷ്യത്തോടെയാണ് കുടുംബദിനം ആദ്യം ആരംഭിച്ചത്. പുതുവത്സര ദിനത്തിനും ദുഃഖവെള്ളിയാഴ്ചയ്ക്കും ഇടയിൽ ഏകദേശം മൂന്ന് മാസത്തെ ഇടവേളയിൽ ഒരു പ്രത്യേക അവധി ദിനം കൂടി ആയാണ് കുടുംബ ദിനം ആഘോഷിക്കുന്നത്. എന്നാൽ ഫെബ്രുവരിയിലെ മൂന്നാമത്തെ തിങ്കളാഴ്ച ക്യൂബെക്കുകാർക്ക് മറ്റൊരു പ്രവൃത്തി ദിവസമാണ്.  

കാനഡയിലുടനീളം മിക്ക പ്രവിശ്യകളിലും ഇരട്ട അക്ക അവധി ദിവസങ്ങളുണ്ട്, പക്ഷേ ക്യൂബെക്കിൽ എട്ട് അവധി ദിവസങ്ങളേ ഉള്ളൂ. മാനിറ്റോബയുമായി താരതമ്യം ചെയ്യുമ്പോൾ, രാജ്യത്തെ ഏറ്റവും കുറഞ്ഞ പ്രവൃത്തി അവധി ദിനങ്ങൾ ക്യൂബെക്കിലാണുള്ളത്. കാനഡയിൽ ഏറ്റവും കൂടുതൽ അവധി ദിനങ്ങൾ ആഘോഷിക്കുന്നത് യുക്കോണിനാണ്, പ്രതിവർഷം 12 എണ്ണം ആഘോഷിക്കുന്നു. ആൽബെർട്ട, ന്യൂഫൗണ്ട്‌ലാൻഡ്, പിഇഐ എന്നിവ 11 അവധി ദിനങ്ങൾ ആഘോഷിക്കുമ്പോൾ, ബിസി, ന്യൂ ബ്രൺസ്‌വിക്ക്, നോവ സ്കോഷ്യ, നോർത്ത് വെസ്റ്റ് ടെറിട്ടറീസ്, ഒൻ്റാരിയോ, സസ്‌കാച്ചെവൻ എന്നിവിടങ്ങളിൽ 10 അവധി ദിനങ്ങളുമുണ്ട്