പി പി ചെറിയാൻ ഡാളസ്
വാഷിംഗ്ടൺ ഡി സി :നേതൃത്വത്തിലെ പോരായ്മകൾ, പ്രവർത്തന പരാജയങ്ങൾ, യുഎസ് കോസ്റ്റ് ഗാർഡിന്റെ തന്ത്രപരമായ ലക്ഷ്യങ്ങൾ മുന്നോട്ട് കൊണ്ടുപോകാനുള്ള കഴിവില്ലായ്മ എന്നിവ കാരണം കോസ്റ്റ് ഗാർഡ് കമാൻഡന്റിനെ പുറത്താക്കി .ഫാഗനെ സേവനം "അവസാനിപ്പിച്ചു". 2022 ജൂണിൽ 61 കാരിയായ അഡ്മിറൽ ലിൻഡ ലീ ഫാഗൻ (61) യുഎസ് കോസ്റ്റ് ഗാർഡിന്റെ കമാൻഡന്റ് സ്ഥാനം ഏറ്റെടുത്തത് . യുഎസ് സൈന്യത്തിന്റെ ഒരു ശാഖയുടെ തലവനായ ആദ്യ വനിതയായിരുന്നു അവർ.
അഡ്മിറൽ ഫാഗന്റെ സേവനം ഇനി യുഎസ് ഗവൺമെന്റിന് ആവശ്യമില്ലെന്ന് അവരെ അറിയിച്ചു. ഹോംലാൻഡ് സെക്യൂരിറ്റിയുടെ ആക്ടിംഗ് സെക്രട്ടറി ബെഞ്ചമിൻ ഹഫ്മാൻ ചൊവ്വാഴ്ച അറിയിച്ചു
ഡിപ്പാർട്ട്മെന്റ് ഓഫ് ഹോംലാൻഡ് സെക്യൂരിറ്റി (ഡിഎച്ച്എസ്) പുറത്തിറക്കിയ പ്രസ്താവനയിൽ, ഫാഗന്റെ നേതൃത്വപരമായ പോരായ്മകൾ, പ്രവർത്തന പരാജയങ്ങൾ, യുഎസ് കോസ്റ്റ് ഗാർഡിന്റെ തന്ത്രപരമായ ലക്ഷ്യങ്ങൾ മുന്നോട്ട് കൊണ്ടുപോകാനുള്ള കഴിവില്ലായ്മ എന്നിവ കാരണം അവരെ പിരിച്ചുവിട്ടു.