കാനഡയിൽ പോസ്റ്റൽ സമരത്തെ തുടർന്ന് കെട്ടിക്കിടക്കുന്ന പാസ്പോർട്ടുകളുടെ വിതരണം ഇനിയും വൈകിയേക്കും

 

കാനഡ പോസ്റ്റ് സമരത്തെ തുടർന്ന് കെട്ടിക്കിടക്കുകയായിരുന്ന പാസ്പോർട്ടുകൾ സർവീസ് കാനഡ മെയിൽ ചെയ്യാൻ തുടങ്ങി. ലക്ഷക്കണക്കിന് പാസ്പോർട്ടുകൾ ഉള്ളതിനാൽ ഇവ വിലാസക്കാരിലേക്ക് എത്താൻ ഇനിയും കാലതാമസം എടുക്കുമെന്ന് അധികൃതർ അറിയിച്ചു. 

പണിമുടക്ക് തുടങ്ങിയ  നവംബർ 8 മുതൽ ഏകദേശം 215,000 അച്ചടിച്ച പാസ്‌പോർട്ടുകളും പാസ്‌പോർട്ടുമായി ബന്ധപ്പെട്ട മറ്റ് മെയിലുകളും കെട്ടിക്കിടക്കുകയാണെന്ന്  എംപ്ലോയ്‌മെൻ്റ് ആൻഡ് സോഷ്യൽ ഡെവലപ്‌മെൻ്റ് കാനഡ പറയുന്നു. പണിമുടക്കിന് മുന്നോടിയായി പാസ്‌പോർട്ട് പാക്കേജുകൾ മെയിൽ ചെയ്യുന്നത് സർവീസ് കാനഡ താൽക്കാലികമായി നിർത്തിവച്ചതിനാൽ ഡിസംബർ 1 വരെ 185,000 പാസ്‌പോർട്ടുകളാണ്  മെയിലിൽ കുടുങ്ങിയത് . ഡിസംബർ 17ന് പ്രശ്നങ്ങൾ നീങ്ങിയതോടെ കുടുങ്ങിക്കിടന്ന പാസ്പോർട്ടുകളുടെ  എണ്ണം 215,000 ആയി ഉയർന്നു. പാസ്‌പോർട്ട് ഡെലിവറി പുനരാരംഭിക്കാൻ കാനഡ പോസ്റ്റുമായി സർവീസ് കാനഡ ധാരണയിൽ എത്തിയിട്ടുണ്ടെന്ന് ESDC വക്താവ് ലിയാന ബ്രാൾട്ട് പ്രസ്താവനയിൽ അറിയിച്ചു.