ബഹിരാകാശം കീഴടക്കുന്ന നൂറാം വനിത, ചരിത്രമെഴുതി എമിലി കലൻഡ്രെല്ലി
By: 600007 On: Nov 23, 2024, 10:51 AMടെക്‌സസ്: വീണ്ടും ചരിത്രമെഴുതി ജെഫ് ബെസോസിന്‍റെ ബഹിരാകാശ വിക്ഷേപണ കമ്പനിയായ ബ്ലൂ ഒറിജിന്‍. ആറ് ബഹിരാകാശ സഞ്ചാരികളുമായി ബ്ലൂ ഒറിജിന്‍റെ എന്‍എസ്-28 ദൗത്യം വിക്ഷേപണത്തിന് ശേഷം വിജയകരമായി ഭൂമിയില്‍ ലാന്‍ഡ് ചെയ്തു. മനുഷ്യനെ വഹിച്ച് കൊണ്ടുള്ള ബ്ലൂ ഒറിജിന്‍റെ ഒന്‍പതാമത്തെ ദൗത്യവും ആകെ 28-ാം ന്യൂ ഷെപാര്‍ഡ് പോഗ്രാമുമാണിത്. ബ്ലൂ ഒറിജിന്‍ 2024ല്‍ അയച്ച മൂന്നാം ബഹിരാകാശ പേടകം കൂടിയാണിത്. ദൗത്യത്തിന്‍റെ ഭാഗമായിരുന്ന ശാസ്ത്ര വിദ്യാഭ്യാസ പ്രവര്‍ത്തകയും പ്രശസ്ത അവതാരകയുമായ എമിലി കലൻഡ്രെല്ലി ബഹിരാകാശത്ത് എത്തുന്ന നൂറാം വനിത എന്ന റെക്കോര്‍ഡ് സ്വന്തമാക്കിയതാണ് ബ്ലൂ ഒറിജിന്‍റെ ഈ യാത്രയെ ഏറ്റവും സമ്പന്നമാക്കിയത്.
ബ്ലൂ ഒറിജിന്‍റെ വെസ്റ്റ് ടെക്‌സസിലെ തറയില്‍ നിന്ന് ഇന്നലെ രാത്രി ഇന്ത്യന്‍ സമയം 9 മണിക്കായിരുന്നു എന്‍എസ്-28 ദൗത്യത്തിന്‍റെ വിക്ഷേപണം. എമിലി കലൻഡ്രെല്ലി, മാര്‍ക് ഹാഗിള്‍, ഷാരോണ്‍ ഹാഗിള്‍, ഓസ്റ്റിന്‍ ലിറ്റെറല്‍, ജയിംസ് (ജെ.ഡി) റസല്‍, ഹെന്‍‌റി (ഹാങ്ക്) വോള്‍ഫോണ്ട് എന്നിവരായിരുന്നു ദൗത്യത്തിലെ സഞ്ചാരികള്‍. ഇവരില്‍ ദമ്പതികളായ മാര്‍ക് ഹാഗിളും ഷാരോണ്‍ ഹാഗിളും രണ്ടാം തവണയാണ് ബ്ലൂ ഒറിജിനില്‍ ബഹിരാകാശ യാത്ര നടത്തുന്നത്. 2022 മാര്‍ച്ചിലായിരുന്നു ഇവരുടെ ആദ്യ ബഹിരാകാശ സന്ദര്‍ശനം.
ബ്ലൂ ഒറിജിന്‍റെ വെസ്റ്റ് ടെക്‌സസിലെ തറയില്‍ നിന്ന് ഇന്നലെ രാത്രി ഇന്ത്യന്‍ സമയം 9 മണിക്കായിരുന്നു എന്‍എസ്-28 ദൗത്യത്തിന്‍റെ വിക്ഷേപണം. എമിലി കലൻഡ്രെല്ലി, മാര്‍ക് ഹാഗിള്‍, ഷാരോണ്‍ ഹാഗിള്‍, ഓസ്റ്റിന്‍ ലിറ്റെറല്‍, ജയിംസ് (ജെ.ഡി) റസല്‍, ഹെന്‍‌റി (ഹാങ്ക്) വോള്‍ഫോണ്ട് എന്നിവരായിരുന്നു ദൗത്യത്തിലെ സഞ്ചാരികള്‍. ഇവരില്‍ ദമ്പതികളായ മാര്‍ക് ഹാഗിളും ഷാരോണ്‍ ഹാഗിളും രണ്ടാം തവണയാണ് ബ്ലൂ ഒറിജിനില്‍ ബഹിരാകാശ യാത്ര നടത്തുന്നത്. 2022 മാര്‍ച്ചിലായിരുന്നു ഇവരുടെ ആദ്യ ബഹിരാകാശ സന്ദര്‍ശനം.