ട്രൂഡോയുടെ രാജി കാനഡയുടെ നല്ലതിന് ലിബറൽ എംപി

 

 

പിയറി പൊയിലീവ്റെയുടെ നേതൃത്വത്തിലുള്ള കൺസർവേറ്റീവ് ഗവൺമെൻ്റിനെ ഒഴിവാക്കാൻ പ്രധാനമന്ത്രി ജസ്റ്റിൻ ട്രൂഡോ സ്ഥാനമൊഴിയുന്നത് രാജ്യതാല്പര്യത്തിന്   നല്ലതാണെന്നാണ്  കരുതുന്നതായി  ലിബറൽ എംപി ഷോൺ കേസി പറഞ്ഞു .ബുധനാഴ്ച നടക്കുന്ന  അടുത്ത കോക്കസ് യോഗത്തിൽ ട്രൂഡോയോട് മാറിനിൽക്കാൻ ആവശ്യപ്പെടുന്ന   രേഖയിൽ ഒപ്പുവെച്ച  ലിബറൽ എംപിമാരിൽ ഒരാളാണ് താനെന്നും  കേസി സ്ഥിരീകരിച്ചു.ഈ കാര്യത്തെ  അംഗീകരിച്ചവരാണ് തന്റെ സഹപ്രവർത്തകരെന്നും മറ്റൊരു വാദം അവരുടെ ഭാഗത്തുനിന്നും ഉണ്ടായിട്ടില്ലെന്നും അദ്ദേഹം വ്യക്തമാക്കി.

 

 

എത്ര ലിബറൽ എംപിമാർ ഒപ്പിട്ടിട്ടുണ്ടെന്നും രേഖയുടെ ഉള്ളടക്കവും  റിപ്പോർട്ടർമാരോട് വിശദീകരിക്കാൻ കേസി തയ്യാറായില്ല.  

എന്നാൽ  ട്രൂഡോയെ മാറ്റി സാധ്യതയുള്ള ഏതെങ്കിലും സ്ഥാനാർത്ഥികളുമായി താൻ പ്രവർത്തിച്ചിട്ടില്ലെന്നും, പ്രായോഗികമായ നിരവധി ബദലുകൾ ഇതിനുണ്ടെന്നും അദ്ദേഹം പറഞ്ഞു.

ട്രൂഡോ സ്ഥാനമൊഴിഞ്ഞാൽ ലിബറലുകളുടെ  ഭാഗമാകാൻ ആഗ്രഹിക്കുന്നുവെന്ന് മുൻ ബ്രിട്ടീഷ് കൊളംബിയ പ്രീമിയർ ക്രിസ്റ്റി ക്ലാർക്ക് തിങ്കളാഴ്ച പറഞ്ഞു .

ട്രൂഡോയിൽ തങ്ങൾക്ക് ഇപ്പോഴും വിശ്വാസമുണ്ടെന്ന് നിരവധി ലിബറൽ കാബിനറ്റ് മന്ത്രിമാർ അറിയിച്ചിട്ടുണ്ട് . ഈ വിയോജിപ്പ് ആരോഗ്യകരമാണെന്നും അവർ കൂട്ടിച്ചേർത്തു. 

 തുടർച്ചയായ ഒമ്പത് വർഷത്തെ അധികാരത്തിന് ശേഷം, എന്തെങ്കിലും മാറ്റം വേണമെന്ന്  ആളുകൾ ചർച്ച ചെയ്യുന്നത് സാധാരണമാണെന്നും എൻവയോൺമെന്റ് ആൻഡ് ക്ലൈമറ്റ് ചേഞ്ച് മിനിസ്റ്റർ ഗിൽബോൾട്ട് പറഞ്ഞു. എന്നാൽ  മാറ്റം  പിയറി പൊയിലീവ്രെയിലേക്കാണെങ്കിൽ  ജനങ്ങൾ  അതിനെക്കുറിച്ച് രണ്ടുതവണ ചിന്തിക്കുമെന്ന്  കരുതുന്നതായും അദ്ദേഹം വ്യക്തമാക്കി.