ന്യൂസിലാൻഡില് നിന്നും യുവാക്കള് പലായനം ചെയ്യുന്നു
By: 600007 On: Sep 5, 2024, 5:40 AMവെല്ലിങ്ടണ്: ജീവിതച്ചെലവ് കൂടുകയും തൊഴിലില്ലായ്മ രൂക്ഷമാവുകയും ചെയ്തതോടെ ന്യൂസിലാൻഡില് നിന്നും യുവാക്കള് പലായനം ചെയ്യുന്നു.
2024ല് ജൂണ് വരെയുള്ള കണക്ക് പ്രകാരം 1,31,200 പേരാണ് ന്യൂസിലാൻഡ് വിട്ടത്. പലായനത്തിന്റെ കണക്കില് റെക്കോഡാണിത്.
വെല്ലിങ്ടണില് താമസിക്കുന്ന ജെസീക്ക ചോങ് എന്ന യുവതി അല് ജസീറയോട് നടത്തിയ പ്രതികരണം ന്യൂസിലാൻഡിലെ പലായനത്തിന്റെ ആഴം വ്യക്തമാക്കുന്നതാണ്. ഓക്ക്ലാൻഡില് താമസിക്കുന്ന ജെസീക്ക പിറന്നാള് ആഘോഷത്തിനായി സുഹൃത്തുക്കളെ വിളിച്ചപ്പോഴാണ് അവരില് പലരും ഇപ്പോള് രാജ്യത്തില്ലെന്ന് മനസിലാക്കിയത്. മെച്ചപ്പെട്ട അവസരം തേടി ഏതാനും മാസങ്ങള്ക്കുള്ളില് തന്നെ അവരെല്ലാം രാജ്യം വിട്ടിരുന്നു. താനും അധികകാലം ന്യൂസിലാൻഡില് നില്ക്കാൻ ഉദ്ദേശിക്കുന്നില്ലെന്നും യു.കെയിലേക്ക് കുടിയേറാനുള്ള ഒരുക്കത്തിലാണെന്നുമാണ് ജെസീക്ക അല് ജസീറയോട് പറഞ്ഞത്.