ബംഗ്ലാദേശിലെ സംഭവങ്ങള്ക്കെല്ലാം പിന്നില് അമേരിക്ക: ഷെയ്ഖ് ഹസീന തയാറാക്കിയ പ്രസംഗം പുറത്ത്
By: 600002 On: Aug 12, 2024, 2:42 PM
ബംഗ്ലാദേശ് പ്രധാനമന്ത്രി പദം രാജിവെച്ച് ഇന്ത്യയിലേക്ക് വരുന്നതിന് മുമ്പായി രാജ്യത്തെ അഭിസംബോധന ചെയ്ത് സംസാരിക്കാന് ഷെയ്ഖ് ഹസീന തയാറാക്കിയ പ്രസംഗത്തിലെ വിവരങ്ങള് പുറത്ത്. ബംഗ്ലാദേശില് നടന്ന സംഭവങ്ങള്ക്കെല്ലാം പിന്നില് അമേരിക്കയാണെന്ന് പ്രസംഗത്തില് ഹസീന കുറ്റപ്പെടുത്തി. പ്രക്ഷോഭകര് തൊട്ടരികെ എത്തിയതോടെയാണ് ഷെയ്ഖ് ഹസീനയ്ക്ക് ജനങ്ങളെ അഭിസംബോധന ചെയ്യാതെ ബംഗ്ലാദേശ് വിടേണ്ടി വന്നത്.
ഷെയ്ഖ് ഹസീനയുമായി അടുത്ത വൃത്തങ്ങളാണ് പ്രസംഗത്തിലെ വിവരങ്ങള് ദേശീയമാധ്യമങ്ങളുമായി പങ്കുവെച്ചത്. ബംഗ്ലാദേശില് ഭരണമാറ്റമുണ്ടാകാനായി അമേരിക്ക ആസൂത്രിതമായ നീക്കം നടത്തിയെന്നാണ് ഹസീനയുടെ ആരോപണം.