ചൈനയില്‍ ടെസ്‌ല വിപണി വിപുലമാക്കാൻ മസ്ക്
By: 600007 On: Apr 30, 2024, 6:43 AM
ബീജിംഗ്: ചൈനീസ് വിപണിയില്‍ ടെസ്‌ല ഇലക്‌ട്രിക് വാഹനങ്ങളുടെ ആധിപത്യം തിരിച്ചുപിടിക്കാൻ നിർണായക ധാരണകള്‍ ഉറപ്പിച്ച്‌ ഇലോണ്‍ മസ്ക്.
കഴിഞ്ഞ ദിവസമാണ് ടെസ്‌ല, സ്‌പേസ് എക്സ് സ്ഥാപകനും എക്സ് ഉടമയുമായ മസ്ക് ചൈനയില്‍ അപ്രതീക്ഷിത സന്ദർശനത്തിനെത്തിയത്. ചൈനീസ് വിപണിയില്‍ വില്പനയിലുണ്ടായ ഇടിവു നികത്താൻ ഡേറ്റാ സെക്യൂരിറ്റി മാനദണ്ഡങ്ങളില്‍ ഇളവുകള്‍ ലക്ഷ്യമിട്ടാണ് സന്ദർശനം.
ടെസ്‌ല വാഹനങ്ങളിലെ ഫുള്‍ സെല്‍ഫ് ഡ്രൈവിംഗ് സോഫ്റ്റ്‌വെയർ അവതരിപ്പിക്കാൻ ചൈനീസ് ടെക് ഭീമനായ ബെയ്‌ഡുവുമായി ധാരണയിലെത്തിയെന്നാണ് വിവരം. എന്നാല്‍ ഇരുവിഭാഗവും പ്രതികരിച്ചിട്ടില്ല.