യുഎസിൽ ഇതാദ്യം, മുൻ പ്രസിഡന്‍റിനെതിരെ ക്രിമിനൽ വിചാരണ; 'പോൺ നടിയുമായുള്ള ബന്ധം മറയ്ക്കാൻ പണം നൽകി ഗൂഢാലോചന'

 

ന്യൂയോർക്ക്: അമേരിക്കൻ മുൻ പ്രസിഡന്‍റ് ഡോണൾഡ് ട്രംപ് എക്കാലത്തും വിവാദങ്ങൾക്കൊപ്പം സഞ്ചരിച്ചയാളാണ്. ഇപ്പോഴിതാ അമേരിക്കയിൽ നിന്നും പുറത്തുവരുന്ന വാർത്ത രാജ്യത്തിന്‍റെ ചരിത്രത്തിലാധ്യമായി ക്രിമിനൽ വിചാരണ നേരിടുന്ന മുൻ പ്രസിഡന്‍റായി ട്രംപ് മാറുകയാണ് എന്നതാണ്. ഡോണൾഡ് ട്രംപിനെതിരെയുള്ള ക്രിമിനൽ കേസിന്‍റെ വിചാരണ ഇന്ന് ന്യൂയോർക്കിലാണ് തുടങ്ങുക. പോൺ നടി സ്റ്റോർമി ഡാനിയേൽസുമായുള്ള ബന്ധം മറച്ചുവെക്കാൻ ട്രംപ് പണം നൽകി ക്രിമിനൽ ഗൂഢാലോചന നടത്തി എന്നതാണ് കേസ്.