കേരളത്തിന് നൽകിയ നികുതി വിഹിത കണക്ക് വിവരിച്ച് ധനമന്ത്രി നിർമ്മല സീതാരാമൻ

കഴിഞ്ഞ പത്ത് വർഷം കേരളത്തിന് കേന്ദ്രം നല്‍കിയ നികുതി വിഹിതത്തിൻ്റെയും ധനസഹായത്തിൻ്റെയും കണക്ക് ധനമന്ത്രി നിർമല സീതാരാമൻ പാർലമെന്‍റില്‍ വിവരിച്ചു. യുപിഎ കാലത്തെക്കാൾ 224 ശതമാനം അധികം നികുതി വിഹിതം കേരളത്തിന്  നൽകിയെന്നും ഈ വിഹിതം  1,50,140 കോടിയാണെന്നും  നിർമ്മല സീതാരാമൻ പറഞ്ഞു. കേന്ദ്ര ധനസഹായം യുപിഎ കാലത്ത് 25,629 കോടിയായിരുന്നുവെങ്കില്‍ എൻഡിഎ കാലത്ത് ഇത് 1,43,117 കോടിയായി വ‌ർധിച്ചെന്നും ധനമന്ത്രി പറഞ്ഞു.