ബംഗ്ലാദേശ് വിദേശകാര്യ മന്ത്രി ഡോ. ഹസൻ മഹമൂദുമായി കൂടിക്കാഴ്ച നടത്തി ഡോ എസ്. ജയശങ്കർ

വിദേശകാര്യ മന്ത്രി എസ് ജയശങ്കർ ന്യൂഡൽഹിയിൽ ബംഗ്ലാദേശ് വിദേശകാര്യ മന്ത്രി ഡോ. ഹസൻ മഹമൂദുമായി കൂടിക്കാഴ്ച നടത്തി. അതിർത്തി കടന്നുള്ള ബന്ധം, സാമ്പത്തിക വികസന പങ്കാളിത്തം, പ്രതിരോധം, സുരക്ഷ എന്നിവയിലെ സഹകരണം, വൈദ്യുതി, ഊർജം, ജലസ്രോതസ്സുകൾ, ജനങ്ങളുമായുള്ള കൈമാറ്റം എന്നിവയുൾപ്പെടെ ഉഭയകക്ഷി ബന്ധത്തിൻ്റെ വിപുലമായ മേഖലകളിലെ പുരോഗതി ഇരു മന്ത്രിമാരും അവലോകനം ചെയ്തു. വികസിത് ഭാരത് 2047, സ്മാർട്ട് ബംഗ്ലാദേശ് 2041 എന്നിവയുടെ ദർശനങ്ങൾ ഉൾപ്പെടെ ഇരു രാജ്യങ്ങളുടെയും ദേശീയ വികസന ലക്ഷ്യങ്ങൾക്ക് അനുസൃതമായി ഭാവിയിൽ ഇടപെടേണ്ട മേഖലകളെക്കുറിച്ചും ഇരുവരും ചർച്ച ചെയ്തു. BIMSTEC, IORA, BBIN എന്നിവയുടെ ചട്ടക്കൂടിനുള്ളിൽ ഉപ-പ്രാദേശിക സഹകരണം പ്രോത്സാഹിപ്പിക്കുന്നതിന് തങ്ങളുടെ സഹകരണം കൂടുതൽ മെച്ചപ്പെടുത്തുന്നതിനുള്ള പ്രതിജ്ഞാബദ്ധതയും ഇരുവരും  പ്രകടിപ്പിച്ചു. രാജ്ഘട്ടിൽ മഹാത്മാഗാന്ധിക്ക് ആദരാഞ്ജലികൾ അർപ്പിച്ച ശേഷം രാഷ്‌ട്രപതി ദ്രൗപതി മുർമു, ദേശീയ സുരക്ഷാ ഉപദേഷ്ടാവ് അജിത് ഡോവൽ, എന്നിവരുമായും  മഹ്‌മൂദ്‌ കൂടിക്കാഴ്ച നടത്തി. നാല് ദിവസത്തെ ഔദ്യോഗിക സന്ദർശനത്തിനായി ചൊവ്വാഴ്ചയാണ് ഡോ മഹ്മൂദ് ന്യൂഡൽഹിയിലെത്തിയത്.