പതിനാറാം ധനകാര്യ കമ്മീഷൻ അംഗങ്ങളെ നിയമിച്ച് കേന്ദ്രസർക്കാർ

പതിനാറാം ധനകാര്യ കമ്മീഷനിലെ നാല് അംഗങ്ങളെ രാഷ്ട്രപതിയുടെ അംഗീകാരത്തോടെ കേന്ദ്രസർക്കാർ നിയമിച്ചു. മുൻ സെക്രട്ടറി അജയ് നാരായൺ ഝാ, മുൻ സ്‌പെഷ്യൽ സെക്രട്ടറി, എക്‌സ്‌പെൻഡിച്ചർ ആനി ജോർജ് മാത്യു, ആർത്ത ഗ്ലോബൽ എക്‌സിക്യൂട്ടീവ് ഡയറക്ടർ ഡോ. നിരഞ്ജൻ രാജാധ്യക്ഷ എന്നിവരെ മുഴുവൻ സമയ അംഗങ്ങളായി നിയമിച്ചു. സ്റ്റേറ്റ് ബാങ്ക് ഓഫ് ഇന്ത്യയുടെ ഗ്രൂപ്പ് ചീഫ് ഇക്കണോമിക് അഡ്വൈസർ ഡോ. സൗമ്യകാന്തി ഘോഷിനെ പാർട്ട് ടൈം അംഗമായി നിയമിച്ചു. നിതി ആയോഗ് മുൻ വൈസ് ചെയർമാൻ അരവിന്ദ് പനഗരിയ ചെയർമാനായി ഡിസംബർ 31 നാണ് പതിനാറാം ധനകാര്യ കമ്മീഷൻ രൂപീകരിച്ചത്. 2026 ഏപ്രിൽ 1 മുതൽ 5 വർഷത്തെ അവാർഡ് കാലയളവ് ഉൾക്കൊള്ളുന്ന 2025 ഒക്ടോബർ 31-നകം ശുപാർശകൾ ലഭ്യമാക്കാൻ പതിനാറാം ധനകാര്യ കമ്മീഷനോട് അഭ്യർത്ഥിച്ചിട്ടുണ്ട്.