ജയ്പൂരിൽ ഫ്രഞ്ച് പ്രസിഡന്റ് ഇമ്മാനുവൽ മാക്രോണുമായി പ്രധാനമന്ത്രി മോദി ഉഭയകക്ഷി ചർച്ച നടത്തി; ഇന്ന് നടക്കുന്ന റിപ്പബ്ലിക് ദിന പരേഡിൽ മുഖ്യാതിഥിയായി ഫ്രഞ്ച് പ്രസിഡന്റ് പങ്കെടുക്കും

ഫ്രഞ്ച് പ്രസിഡൻ്റ് ഇമ്മാനുവൽ മാക്രോണുമായി പ്രധാനമന്ത്രി മോദി ഇന്നലെ ജയ്പൂരിൽ ഉഭയകക്ഷി ചർച്ച നടത്തി. ചർച്ചകൾ ഇന്ത്യ-ഫ്രാൻസ് ഉഭയകക്ഷി ബന്ധത്തിൻ്റെ സുപ്രധാന വശങ്ങൾ ഉൾക്കൊള്ളുകയും വിവിധ ഭൗമരാഷ്ട്രീയ വെല്ലുവിളികളെ അഭിമുഖീകരിക്കുകയും ചെയ്യുന്നതാണ്. പ്രധാനമന്ത്രി നരേന്ദ്ര മോദി ഫ്രഞ്ച് പ്രസിഡന്റിന് അത്താഴ വിരുന്ന് ഒരുക്കിയിരുന്നു. രണ്ട് ദിവസത്തെ ഇന്ത്യാ സന്ദർശനത്തിനായാണ് മാക്രോൺ ജയ്പൂരിലെത്തിയത്. ഇന്ന് ന്യൂഡൽഹിയിൽ നടക്കുന്ന റിപ്പബ്ലിക് ദിന പരേഡിൻ്റെ മുഖ്യാതിഥിയാണ് അദ്ദേഹം. ചരിത്രപ്രസിദ്ധമായ അമേർ ഫോർട്ട് സന്ദർശിച്ച മാക്രോൺ സ്കൂൾ വിദ്യാർത്ഥികളുമായും വിനോദസഞ്ചാരികളുമായും വിവിധ കലകളുമായി ബന്ധപ്പെട്ട കലാകാരന്മാരുമായും സംവദിച്ചു. പ്രധാനമന്ത്രി മോദി അദ്ദേഹത്തെ സ്വീകരിച്ച ജന്തർ മന്തറും മാക്രോൺ സന്ദർശിച്ചു. ജന്തർ മന്തറിൽ നിന്ന് സംഗനേരി ഗേറ്റിലേക്ക് ഹവാ മഹലിൽ സ്റ്റോപ്പ് ഓവറുമായി നടത്തിയ സംയുക്ത റോഡ് ഷോയിൽ മോദിയും മാക്രോണും പങ്കെടുത്തു.